લગ્ન પહેલાં રણવીરે આલિયાને એવું તે શું પુછ્યું કે આલિયાએ આ જવાબ આપવો પડયો, જાણો

બોલિવૂડનું પાવર કપલ કહેવાતા આલિયા ભટ્ટ અને રણબીર કપૂરે 14 એપ્રિલે આલિયા અને રણબીર ગર્લફ્રેન્ડ-બોયફ્રેન્ડમાંથી પતિ-પત્ની બની ગયા છે . રણબીર કપૂરના પાલી હિલમાં આવેલા ઘર વાસ્તુ બિલ્ડિંગમાં રણબીર કપૂર અને આલિયા ભટ્ટના લગ્ન થયા.આલિયા ભટ્ટના મમ્મી-પપ્પા, બહેનો અને ભાઈથી માંડીને રણબીરનાં મમ્મી નીતૂ કપૂર, બહેન રિદ્ધિમા કપૂર, ફોઈ રીમા જૈન, કરણ જોહર સહિતના પરિવારજનો અને મિત્રો લગ્નસ્થળે હાજરી  આપી હતી.

 હવે જયારે બંનેના લગ્નને 10 દિવસથી વધુ સમય થયો છે  ત્યારે  બંને પોતપોતાના કામમાં પણ પરત ફર્યા છે. બંને પાસે ઘણા બધા પ્રોજેક્ટ છે, જેમાં તેઓ બંને જોવા મળવાના છે, જેનું શૂટિંગ પણ શરૂ થઈ ગયું છે. બંનેના કેટલાક નવા અને જૂના  ઇન્ટરવ્યૂ સોશિયલ મીડિયા પર જોવા  મળી  રહ્યા છે. બંને એકબીજાને 5 વર્ષથી ડેટ કરી રહ્યાં છે.

આલિયા ભટ્ટના એક ઇન્ટરવ્યુમાં તેણે સ્વીકાર્યું છે કે ડેટિંગ પહેલા આલિયા રણબીર પર ક્રશ હતી. આલિયાએ કહ્યું હતું કે તે રણબીર કપૂરને પહેલા પણ મળી હતી, જ્યારે તેણે રણબીરને પહેલીવાર જોયો હતો અને તેના પર ક્રશ થઈ ગયો હતો. તેઓ સૌપ્રથમ સંજય લીલા ભણસાલીની ફિલ્મમાં મળ્યા હતા અને બંને તેમાં કાસ્ટ કરવાના હતા. આલિયા તે  સમયે લગભગ 12 વર્ષની હતી, તે ફોટોશૂટ માટે રણબીરના ખભા પર માથું મૂકતા શરમાતી હતી. ત્યારે  રણબીર લગભગ 20 વર્ષનો હતો.

2014માં ઇમ્તિયાઝ અલી દ્વારા નિર્દેશિત આલિયાની બીજી ફિલ્મ 'હાઇવે'ની રિલીઝ પહેલા ચેટમાં બંનેએ આ વિશે વાત કરી હતી. ફિલ્મ વિશે વાત કર્યા પછી, રણબીરે વાતચીતને અલગ વિષય પર લઈ લીધી હતી. તેણે પૂછ્યું, "આલિયા, પ્રેમ વિશે તું શું વિચારે છે? તારા માટે પ્રેમ કેટલો મહત્વનો છે? અત્યારે તું એવી છોકરીઓમાં છે જે કહે છે કે 'ના, ના, હું મારી કારકિર્દી પર ધ્યાન કેન્દ્રિત કરી રહી છું'. જવાબમાં આલિયાએ કહ્યું, "ના, હું એવું નથી કહેતી. મને હજી સુધી તે મળ્યું નથી. હું ક્યારેય પ્રેમમાં નથી પડી. 

રણબીરે પછી પૂછ્યું, "શું તું  એવી વ્યક્તિ સાથે લગ્ન  કરીશ જે તને અભિનય ન કરવા દેવા માંગતો હોય " ?આલિયાએ તરત જ જવાબ આપ્યો, "ના. હું કદાચ મારા બાકીના જીવન માટે અભિનય નહીં  કરું પરંતુ હું જ્યાં સુધી ઈચ્છું છું ત્યાં સુધી અભિનય કરવા માંગુ છું અને જો કોઈ ઈચ્છતું નથી કે હું તે કરું, તો તેનો અર્થ એ કે તેઓ નથી ઈચ્છતા.