FIFAએ ભારતને આપ્યો મોટો ઝટકો, AIFFને કર્યું સસ્પેન્ડ, મહિલા વર્લ્ડકપની યજમાની પણ છીનવી
વિશ્વ ફૂટબોલની સર્વોચ્ચ સંસ્થા FIFA એ સોમવારે અખિલ ભારતીય ફૂટબોલ ફેડરેશન (AIFF)ને સસ્પેન્ડ કરી દીધું છે. FIFA અનુસાર, AIFF એ FIFA નિયમોનું ગંભીર ઉલ્લંઘન કર્યું છે. તૃતીય પક્ષોના અયોગ્ય પ્રભાવને કારણે આ નિર્ણય લેવામાં આવ્યો હતો.ઈન્ટરનેશનલ ફેડરેશન ઓફ એસોસિએશન ફૂટબોલ (FIFA) એ ઓલ ઈન્ડિયા ફૂટબોલ ફેડરેશન (AIFF) ને તાત્કાલિક અસરથી સસ્પેન્ડ કરી દીધું છે. FIFA એ સોમવારે રાત્રે અખિલ ભારતીય ફૂટબોલ ફેડરેશન (AIFF) ને àª
04:02 AM Aug 16, 2022 IST
|
Vipul Pandya
વિશ્વ ફૂટબોલની સર્વોચ્ચ સંસ્થા FIFA એ સોમવારે અખિલ ભારતીય ફૂટબોલ ફેડરેશન (AIFF)ને સસ્પેન્ડ કરી દીધું છે. FIFA અનુસાર, AIFF એ FIFA નિયમોનું ગંભીર ઉલ્લંઘન કર્યું છે. તૃતીય પક્ષોના અયોગ્ય પ્રભાવને કારણે આ નિર્ણય લેવામાં આવ્યો હતો.
ઈન્ટરનેશનલ ફેડરેશન ઓફ એસોસિએશન ફૂટબોલ (FIFA) એ ઓલ ઈન્ડિયા ફૂટબોલ ફેડરેશન (AIFF) ને તાત્કાલિક અસરથી સસ્પેન્ડ કરી દીધું છે. FIFA એ સોમવારે રાત્રે અખિલ ભારતીય ફૂટબોલ ફેડરેશન (AIFF) ને બિનજરૂરી તૃતીય પક્ષના હસ્તક્ષેપને ટાંકીને સસ્પેન્ડ કરી દીધું. આ સાથે ભારતમાં 11 થી 30 ઓક્ટોબર દરમિયાન યોજાનાર FIFA અંડર-17 મહિલા વર્લ્ડકપની યજમાની પણ જોખમમાં આવી છે.
ફિફાએ કહ્યું છે કે, સસ્પેન્શન તાત્કાલિક અસરથી અમલમાં આવશે. FIFA એ એક નિવેદનમાં જણાવ્યું હતું કે, સસ્પેન્શન ત્યારે જ ઉઠાવવામાં આવશે જ્યારે AIFF એક્ઝિક્યુટિવ કમિટીને બદલવા માટે એડમિનિસ્ટ્રેટર્સની કમિટી બનાવવાનો નિર્ણય પાછો ખેંચવામાં આવશે. આ સાથે તેમણે એમ પણ કહ્યું છે કે, AIFF વહીવટીતંત્રને ફેડરેશનના રોજિંદા કામકાજ પર સંપૂર્ણ નિયંત્રણ આપવામાં આવશે.
FIFAએ કહ્યું, 'જેનો અર્થ એ છે કે અંડર-17 મહિલા વર્લ્ડકપ પૂર્વ નિર્ધારિત કાર્યક્રમ મુજબ ભારતમાં યોજાઈ શકશે નહીં.' તેમણે કહ્યું કે, FIFA ભારતના રમતગમત મંત્રાલય સાથે સતત સંપર્કમાં છે અને સકારાત્મક પરિણામ સુધી પહોંચવાની આશા છે. આ મહિનાની શરૂઆતમાં, FIFA એ તૃતીય-પક્ષની દખલગીરી માટે AIFFને સસ્પેન્ડ કરવાની ધમકી આપી હતી. AIFFની ચૂંટણી કરાવવા માટે સુપ્રીમ કોર્ટના નિર્દેશના થોડા દિવસો બાદ આ ચેતવણી આપવામાં આવી છે. AIFFની ચૂંટણી 28 ઓગસ્ટે યોજાવાની છે. આ મામલે સુપ્રીમ કોર્ટમાં 17 ઓગસ્ટે સુનાવણી છે.
Next Article