પ્રખ્યાત ફિલ્મ નિર્માતા નીતિન મનમોહનનું નિધન, થોડા દિવસ પહેલા આવ્યો હતો હાર્ટ એટેક
સિનેમા ઈન્ડસ્ટ્રીમાંથી ખરાબ સમાચાર સામે આવી રહ્યા છે. બોલિવૂડના પ્રખ્યાત નિર્માતા નીતિન મનમોહનનું આજે એટલે કે 29મી ડિસેમ્બરે નિધન થયું છે. જણાવી દઈએ કે, નીતિન મનમોહનને હાર્ટ એટેક આવ્યા બાદ હોસ્પિટલમાં દાખલ કરવામાં આવ્યા હતા. તેમની હાલત નાજુક હોવાથી તેમને વેન્ટિલેટર પર પણ રાખવામાં આવ્યા હતા. તાજેતરમાં જ બહાર આવેલી માહિતી અનુસાર, નિર્માતાને 3 ડિસેમ્બરની સાંજે હાર્ટ એટેક આવ્યો હà
10:20 AM Dec 29, 2022 IST
|
Vipul Pandya
સિનેમા ઈન્ડસ્ટ્રીમાંથી ખરાબ સમાચાર સામે આવી રહ્યા છે. બોલિવૂડના પ્રખ્યાત નિર્માતા નીતિન મનમોહનનું આજે એટલે કે 29મી ડિસેમ્બરે નિધન થયું છે. જણાવી દઈએ કે, નીતિન મનમોહનને હાર્ટ એટેક આવ્યા બાદ હોસ્પિટલમાં દાખલ કરવામાં આવ્યા હતા. તેમની હાલત નાજુક હોવાથી તેમને વેન્ટિલેટર પર પણ રાખવામાં આવ્યા હતા.
તાજેતરમાં જ બહાર આવેલી માહિતી અનુસાર, નિર્માતાને 3 ડિસેમ્બરની સાંજે હાર્ટ એટેક આવ્યો હતો, જેના પછી તેમને તાત્કાલિક કોકિલા ધીરુભાઈ અંબાણી હોસ્પિટલમાં દાખલ કરવામાં આવ્યા હતા. તેમની હાલત અત્યંત ગંભીર હોવાનું કહેવાતું હતું, જેના કારણે નીતિન મનમોહનને વેન્ટિલેટર પર રાખવામાં આવ્યા હતા. દવાઓની અસર પછી પણ તે ખતરાની બહાર નહોતા.
નીતિન મનમોહને પોતાની કારકિર્દીમાં ઘણી શાનદાર ફિલ્મો બનાવી હતી. 'બોલ રાધા બોલ', 'લાડલા', 'દસ' જેવી સુપરહિટ ફિલ્મોના નિર્માતા મનમોહને સલમાન ખાનની ફિલ્મ 'રેડી' પણ બનાવી હતી. ઉલ્લેખનીય છે કે, નીતિન બોલિવૂડના પ્રખ્યાત અભિનેતા મનમોહનનો પુત્ર છે. મનમોહન 'બ્રહ્મચારી', 'ગુમનામ' અને 'નયા જમાના' જેવી ફિલ્મો માટે જાણીતા છે. પિતાની જેમ નીતિન પણ ફિલ્મ ઈન્ડસ્ટ્રી સાથે જોડાયેલા હતા.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Next Article