આખરે UK વડાપ્રધાન બોરિસ જોનસનની ખુરશી બચી ગઈ, વિશ્વાસ મત જીત્યો

કન્ઝર્વેટિવ પાર્ટીના વર્તમાન નિયમો અનુસાર, જોનસન હવે ઓછામાં ઓછા એક વર્ષ માટે બેકબેન્ચ ચેલેન્જથી સુરક્ષિત છે. ઉલ્લેખનીય છે કે, યુકેના વડાપ્રધાનને અવિશ્વાસનો મત ટાળવા માટે 180 સાંસદોના સમર્થનની જરૂર હતી. જોકે, તેમા તેઓ આ સમર્થન મેળવવામાં સફળ રહ્યા છે. મહત્વનું છે કે, વોટ ગુપ્ત મતદાન તરીકે હાથ ધરવામાં આવે છે. જોનસને મતદાન મળી ગયા બાદ તુરંત જ કહ્યું હતું કે, "મને લાગે છે કે તે ખૂબ જ સારું, સકારાત્મક, નિર્ણાયક, નિર્ણાયક પરિણામ છે જે અમને એક થવા માટે આગળ વધવા માટે સક્ષમ બનાવે છે." 

મતદાન પહેલા, ડાઉનિંગ સ્ટ્રીટે એક નિવેદનમાં કહ્યું: "આજની રાત એ મહિનાઓની અટકળોનો અંત લાવવાની અને સરકારને એક રેખા દોરવાની અને લોકોની પ્રાથમિકતાઓને પૂર્ણ કરવામાં આગળ વધવાની તક છે." ઉલ્લેખનીય છે કે, બ્રિટનના વિદેશ અને આરોગ્ય સચિવ જેરેમી હંટ બેકબેન્ચ બળવામાં મોખરે હતા. તેમણે ગુપ્ત મતદાનમાં ફેરફાર માટે મત આપવા માટે પક્ષને આહ્વાન કર્યું હતું.