આજે પણ બોલિવૂડમાં વાગે છે શાહરૂખનો ડંકો, દર્શકોએ પઠાનનો આપ્યો ધમાકેદાર રિવ્યૂ

જે ક્ષણની સૌ કોઇ આતુરતાથી રાહ જોઇને બેઠા હતા તે હવે આવી ચુક્યો છે. જીહા, શાહરૂખ ખાનની ફિલ્મ પઠાન વિવાદો વચ્ચે આખરે આજે રિલીઝ થઇ ગઇ છે. શાહરૂખ ખાનની પઠાન ફિલ્મને જોવા માટે લોકો મોટી સંખ્યામાં સિનેમાઘરોમાં પહોંચી રહ્યા છે. 4 વર્ષ બાદ શાહરૂખ ખાને સિનેમાઘરોમાં ધમાકેદાર એન્ટ્રી કરી છે. જે લોકોએ સોશિયલ મીડિયા પર ફિલ્મનો પહેલો શો જોયો છે તેઓ તેનો રિવ્યૂ શેર કરી રહ્યા છે, જેને જોઈને લાગે છે કે Boycott 'પઠાન' પર કોઈ અસર થઈ નથી. 

બોલિવૂડને છેલ્લા ઘણા સમયથી BoycottBollywood  ગેગનો સામનો કરવો પડી રહ્યો છે. સાઉથની ફિલ્મોના સારા પ્રદર્શન અને બોલિવૂડના સતત ખરાબ કન્ટેન્ટના કારણે લોકો પણ બોલિવૂડથી ઘણા ગુસ્સામાં છે. જોકે, બ્રહ્માસ્ત્ર અને દ્રશ્યમ -2 ના હીટ થયા બાદ લોકો એકવાર ફરી બોલિવૂડ તરફ વળ્યા અને હવે જ્યારે શાહરૂખની ફિલ્મ પઠાન રિલીઝ થઇ તો લોકો મોટી સંખ્યામાં સિનેમાઘરો સુધી પહોંચી રહ્યા છે. પઠાન ફિલ્મ જોવા માટે લોકો પોતાના પરિવાર સાથે થિયેટરોની બહાર પહોંચી ગયા છે. શાહરૂખ-દીપિકાની ફિલ્મ પઠાનના એડવાન્સ બુકિંગે પણ અત્યાર સુધીના રેકોર્ડ તોડ્યા છે. દર્શકો શાહરૂખ ખાનને 4 વર્ષ પછી મોટા પડદા પર જોવા માટે પહેલાથી જ ઉત્સુક હતા અને થિયેટરોની બહાર જોવા મળેલી ભીડ દર્શાવે છે કે ફિલ્મ સુપરહિટ થવાની છે. 

મોટાભાગના સોશિયલ મીડિયા યૂઝર્સ પઠણને સારો રિવ્યૂ આપી રહ્યા છે. ચાહકો શાહરૂખ ખાન અને સલમાન ખાનની ફિલ્મની પ્રશંસા કરી રહ્યા છે. ફિલ્મની ઘણી ક્લિપ્સ અને ફોટા પણ વાયરલ થઈ રહ્યા છે. જોકે, કેટલાક ટ્વિટર યૂઝર્સે ફિલ્મને એવરેજ ગણાવી છે. કેટલાક કહે છે કે ફિલ્મનો VFX ખરાબ છે અને વાર્તા કંઈ ખાસ નથી. વળી, કેટલાક ટ્વિટર યૂઝર્સે સલમાન-શાહરૂખને એક સાથે જોવા માટે પૈસા આપ્યા છે. જણાવી દઈએ કે, લોકો ફિલ્મ 'પઠાન'ની રિલીઝને તહેવારની જેમ સેલિબ્રેટ કરી રહ્યા છે. શાહરૂખ ખાનના ડાયહાર્ટ ચાહકોએ લોકોને વિનંતી કરી છે કે તેઓ સોશિયલ મીડિયા પર ફિલ્મ સાથે સંબંધિત કોઈપણ સ્પોઈલર, કોઇ છબી અથવા વીડિયો શેર ન કરે. જણાવી દઈએ કે આ ફિલ્મમાં શાહરૂખ ખાન સાથે દીપિકા પાદુકોણ અને જ્હોન અબ્રાહમ પણ જોવા મળી રહ્યા છે. આ ફિલ્મમાં સલમાન ખાન કેમિયો રોલમાં જોવા મળશે.

આ પણ વાંચો - રિલીઝ પહેલા વિદેશમાં કરોડોની કમાણી કરી રહી છે 'પઠાન'