ડૉ. નેનેએ પત્ની પર ખૂબ જ પ્રેમ વરસાવ્યો, માધુરીને કહ્યું વિશ્વની સૌથી સુંદર મહિલા

બોલિવૂડની ધક ધક ગર્લ માધુરી દીક્ષિત આજે તેનો 55મો જન્મદિવસ ઉજવી રહી છે.સેલિબ્રિટીથી લઈને ચાહકો સુધી દરેક તેને જન્મ દિવસની શુભેચ્છાઓ પાઠવી રહ્યા છે. તેના પતિ ડૉ. નેનેએ પણ તેને વિશેષ રીતે બર્થડે વિશ કર્યું છે.  ઘણી હિટ ફિલ્મોમાં દેખાઈ ચૂકેલી માધુરી દીક્ષિતના માત્ર દેશમાં જ નહીં વિદેશમાં પણ ચાહકો છે. આજે પણ તેમની ફિલ્મો અને ગીતોને દર્શકોનો ઘણો પ્રેમ મળે છે.  જોકે માધુરીના લાઇફ પાર્ટનર ડૉ. શ્રીરામ નેને છે.  પોતાની  કરિયર ટોપ પર હતી ત્યારે માધુરીએ 17 ઓક્ટોબર 1999ના રોજ શ્રીરામ નેને સાથે લગ્ન કરીને બધાને ચોંકાવી દીધા હતા. 

માધુરીના આ દિવસે તમામ સેલિબ્રિટીઓથી લઈને ફેન્સ સુધી દરેક તેને શુભકામનાઓ પાઠવી રહ્યા છે. તે જ સમયે, માધુરીના પતિ ડૉક્ટર નેનેએ પણ તેને ખાસ અનુભવ કરાવ્યો છે. વાસ્તવમાં, ડોક્ટર નેનેએ તેમની પત્ની માધુરીના જન્મદિવસના અવસર પર એક ખાસ પોસ્ટ કરી છે. ડો. નેનેએ માધુરી સાથે એક સુંદર તસવીર શેર કરી અને એક લવ નોટ પણ લખી. ડૉ. નેનેએ લખ્યું, 'વિશ્વની સૌથી સુંદર મહિલા, મારી પત્ની, મારા આત્માની સાથી અને મારા શ્રેષ્ઠ મિત્રને જન્મદિવસની શુભેચ્છા. હું તમને ખૂબ પ્રેમ કરું છું અને તમે શ્રેષ્ઠ લાયક છો. હું આશા રાખું છું કે તમારું આગલું વર્ષ અદ્ભુત હોય અને અમે હંમેશા સાથે રહીએ. જન્મદિવસની શુભકામનાઓ.

સધર્ન કેલિફોર્નિયામાં લગ્ન કર્યા પછી, માધુરી દીક્ષિતે મુંબઈમાં રિસેપ્શન પાર્ટીનું આયોજન કર્યું હતું જેમાં કેટલાક દિગ્ગજ રાજકારણીઓ સહિત બોલિવૂડના ઘણા પ્રખ્યાત સ્ટાર્સે હાજરી આપી હતી. દિલીપ કુમાર, સાયરા બાનુ અને શ્રીદેવી જેવા તમામ દિગ્ગજ હસ્તીઓએ આ પાર્ટીમાં હાજરી આપી હતી પરંતુ શ્રી રામે તેમાંથી કોઈને ઓળખ્યા ન હતા. લગ્નના થોડા વર્ષો પછી સિમી ગ્રેવાલ સાથેના એક ઈન્ટરવ્યુમાં માધુરી દીક્ષિતે કહ્યું કે આ પાર્ટીમાં તેમના પતિ અમિતાભ બચ્ચનને જ ઓળખી શક્યા, કારણ કે તેમણે બાળપણમાં તેમની ફિલ્મો જોઈ હતી.

માધુરી દીક્ષિતે કહ્યું, 'મને લાગે છે કે તેઓ રિસેપ્શન પાર્ટીમાં માત્ર અમિતાભ બચ્ચનને જ ઓળખી શક્યા હતા. તેણે તેની ફિલ્મ તેના શાળાના દિવસોમાં તેમની ફિલ્મ જોઈ હતી, તે 'અમર અકબર એન્થની' હતી. તેથી તેણે તરત કહ્યું કે હા, મને લાગે છે કે હું તેમને ઓળખું છું.' અને મેં કહ્યું કે હા તમે તેને તે ફિલ્મના કારણે જ ઓળખો છો.

આ ઈન્ટરવ્યુમાં માધુરી દીક્ષિતે કહ્યું, 'હું અને મારી સાસુએ એકવાર તેને અમારી એક ફિલ્મ બતાવવાનો પ્રયાસ કર્યો હતો. અમે કહ્યું- જરા આ ગીત જુઓ. અને તેણે કહ્યું - શું આપણે બીજું કંઈ કરીએ ? ચાલો બહાર જઈને કંઈક કરીએ. તેણે બોલિવૂડની મોટાં ભાગની ફિલ્મો જોઈ નથી. આ અંગેની તેમની સમજ ઘણી અલગ છે હા પણ તેમને દેવદાસ ખૂબ જ ગમી હતી. જણાવી દઈએ કે શાહરૂખ ખાનની ફિલ્મ દેવદાસ માધુરી દીક્ષિતના લગ્નના 3 વર્ષ બાદ રિલીઝ થઈ હતી.

એકબીજામાં ખોવાયેલા કપલ

ડૉ. નેનેની આ  પોસ્ટ પર તમામ સેલિબ્રિટીઓ તેમજ ચાહકોએ ઘણો પ્રેમ વરસાવ્યો છે. દરેક વ્યક્તિ તેને જન્મદિવસની શુભેચ્છા પાઠવી રહી છે. માધુરીએ તેના પતિની પોસ્ટ પર હાર્ટ ઇમોજી પોસ્ટ કરી છે. તસવીરમાં જોઈ શકાય છે કે માધુરીએ ગ્રે સાડી પહેરી છે, જ્યારે ડૉ. નેનેએ બ્લેક સૂટ પહેર્યો છે અને બંને એકબીજાની આંખોમાં ખોવાયેલા જોવા મળે છે.

વર્કફ્રન્ટ

ઉલ્લેખનીય છે કે માધુરીએ 2007માં 'આજા નચલે'થી ફરી એકવાર મોટા પડદા પર કમબેક કર્યું હતું પરંતુ ફિલ્મને એટલો પ્રતિસાદ મળ્યો નહોતો. આ પછી તે ઘણી ફિલ્મો અને ટીવી શોને જજ કરતી જોવા મળી હતી. તાજેતરમાં માધુરી સીરિઝ 'ધ ફેમ ગેમ'માં જોવા મળી હતી. હવે તે ટૂંક સમયમાં 'માજા મા' વેબ શોમાં જોવા મળશે.

Madhuri Dixit, Madhuri Dixit News, Entertainment News