શું ઘરમાં પ્રવેશતાની સાથે જ જતું રહે છે સ્માર્ટફોનનું નેટવર્ક?આ ટિપ્સથી દુર કરો નેટવર્કની સમસ્યા

જો  તમારા ઘરમાં પ્રવેશતાની સાથે જ આપના સ્માર્ટફોનમાંથી નેટવર્ક કોઈપણ કારણ વગર જતું રહેતું હોય તો આજે અમે તમને એવી સેટિંગ્સ વિશે જણાવવા જઈ રહ્યા છીએ, જેને અજમાવીને તમે આ સમસ્યામાંથી છૂટકારો મેળવી શકો છો. જ્યારે તમારા સ્માર્ટફોનમાં અચાનક નેટવર્ક જતું રહે ત્યારે ઘણી સમસ્યા થાય છે. કારણ કે બની શકે કે તે દરમિયાન તમે કોઈ મહત્વપૂર્ણ મીટિંગમાં હોઈ શકો છો અથવા તમે તમારા સંબંધીઓ અથવા પરિવાર સાથે વાત કરી શકો છો. નેટવર્ક જતું રહેવાનો અર્થ એ છે કે વાતચીત અધવચ્ચે જ અટકી જાય છે. આ સમસ્યાથી બચવા માટે આજે અમે તમને ખૂબ જ સરળ સેટિંગ્સ જણાવવા જઈ રહ્યા છીએ, જેને અજમાવવાથી તમારા સ્માર્ટફોનમાં નેટવર્ક જશે નહીં.

જો તમે એક અઠવાડિયાથી સતત તમારો સ્માર્ટફોન ચલાવી રહ્યા છો અને આ સમસ્યા વારંવાર આવી રહી છે અને કોલિંગની વચ્ચે નેટવર્ક જતું રહે છે, તો હવે તમે આ સમસ્યામાંથી છૂટકારો મેળવી શકો છો. આ માટે તમારે લગભગ દર અઠવાડિયે તમારો સ્માર્ટફોન રીબૂટ કરવો જોઈએ. એકવાર સ્માર્ટફોન રીબૂટ થઈ જાય પછી તેમાં આ સમસ્યા આવતી નથી, જો તમે પણ આવું કરશો તો સ્માર્ટ ફોનમાં નેટવર્ક નહીં જાય.

બિનજરૂરી ફાઇલો કાઢી નાખો
ઘણી વખત સ્માર્ટફોન યુઝર્સ બિન-જરૂરી ફાઈલો સ્ટોર કરતા જાય છે અને તેને ડીલીટ કરતા નથી. પરિણામ એ આવે છે કે પ્રોસેસર પર ખૂબ દબાણ આવે છે. જો તમે નેટવર્ક જતું રહેવાની સમસ્યાનો સામનો કરી રહ્યા છો તો તમારે તમારા સ્માર્ટફોનના સ્ટોરેજમાંથી બિનજરૂરી ફાઇલોને તાત્કાલિક ડિલીટ કરવી જોઈએ. તમે ચોક્કસપણે નેટવર્કમાં તફાવત જોશો, જો તમે આ બન્ને ટિપ્સને અનુસરો છો, તો તમે નેટવર્ક જવાની સમસ્યાથી છુટકારો મેળવી શકો છો.