શાળાની વિદ્યાર્થીનીના આ સવાલ પર હસવું રોકી ન શક્યો ધોની, આપ્યો રમૂજી જવાબ, જુઓ video

ભારતીય ટીમ (Indian team)ના પૂર્વ કેપ્ટન મહેન્દ્ર સિંહ ધોની (Mahendra Singh Dhoni) હવે વર્ષમાં માત્ર એક જ વાર IPL રમે છે ત્યારે ક્રિકેટ એક્શનમાં જોવા મળે છે. આ સિવાય તે આખું વર્ષ મેદાનથી દૂર રહે છે. તે સોશિયલ મીડિયા પર પણ ખૂબ જ ઓછી એક્ટિવ રહે છે. આ હોવા છતાં, તેના ફેન ફોલોઈંગની ગુણવત્તા એ છે કે તે દરેક સમયે સોશિયલ મીડિયા (Social media)પર પ્રભુત્વ ધરાવે છે. એમએસ ધોની હાલમાં જ તેના નામની ગ્લોબલ સ્કૂલ (Global School)ની  મુલાકાત કરી હતી  અને તેના બાળપણના દિવસોને યાદ કર્યા હતા

ચેન્નાઈ સુપર કિંગ્સે ધોનીનો એક વીડિયો શેર કર્યો છે જેમાં ભૂતપૂર્વ ભારતીય કેપ્ટને સ્કૂલના બાળકો સાથે પોતાનો અનુભવ શેર કર્યો છે. ધોનીને અહીં એક નાની છોકરીએ પૂછ્યું હતું કે સ્કૂલમાં ભણતી વખતે આ સ્ટાર ક્રિકેટરને કયો વિષય સૌથી વધુ પસંદ હતો. સવાલ સાંભળીને ધોની હસવા લાગ્યો. તેના જવાબમાં તેણે કહ્યું, 'શું રમતગમતને વિષય કહી શકાય. હું સરેરાશ વિદ્યાર્થી હતો. હું માત્ર સાત વર્ષનો હતો ત્યારથી ક્રિકેટ રમું છું. તેથી જ હું વર્ગમાં ભાગ્યે જ રહેતો. તે સિવાય હું સારો વિદ્યાર્થી હતો. મને 10માં ધોરણમાં 66 ટકા અને 12માં 56 ટકા માર્ક્સ મળ્યા છે.

ધોનીએ બાળકોને કહ્યું કે તેના પિતાને વિશ્વાસ ન હતો કે માહી 10મું પાસ કરી શકશે. તેણે કહ્યું, 'મારા પિતાએ વિચાર્યું કે હું 10માં પાસ નહીં થઈ શકું, તેથી હું બોર્ડની પરીક્ષા પાસ કરીને ખૂબ જ ખુશ હતો. મને 10માં 66 ટકા અને 12માં 56 કે 57 ટકા માર્ક્સ મળ્યા છે.