દેશી ગર્લ પ્રિયંકાએ કેમ ઢોલના તાલે કર્યાં ભાંગડા, વીડિયો થયો વાયરલ

વીડિયોમાં પ્રિયંકા ભાંગડા કરતી જોવા મળી રહી છે. વાત જાણે એમ છે કે  પ્રિયંકાએ સોમવારે તેની મેનેજર અંજુલા આચાર્ય માટે તેના લોસ એન્જલસના ઘરે સરપ્રાઈઝ બર્થ ડે પાર્ટીનું આયોજન કર્યું હતું. પ્રિયંકાએ પાર્ટીમાં ખૂબ જ દેશી સ્ટાઈલમાં આવી હતી, જેમાં ડ્રમ્સ ગોઠવવામાં આવ્યા હતા. હવે સોશિયલ મીડિયા પર એક વીડિયો ઝડપથી વાયરલ થઈ રહ્યો છે, જેમાં પ્રિયંકા ઢોલ પર ભાંગડા કરતી જોવા મળી રહી છે. અંજુલાને તેની ઈન્સ્ટાગ્રામ સ્ટોરી પર શુભેચ્છા આપતા પ્રિયંકાએ લખ્યું, 'હેપ્પી બર્થ ડે અંજુ, હું હંમેશા તને પ્રેમ કરીશ.'

વીડિયોમાં જોવા મળી રહ્યું છે કે પ્રિયંકા કેક લઈને રૂમમાં પ્રવેશે છે અને તે જ સમયે ઢોલ પણ વાગે છે. ઢોલના ધબકારાથી તે પોતાની જાતને રોકી શકતી નથી અને ભાંગડા કરવા લાગે છે. નિક જોનાસ પણ સામે ઉભો છે અને  તે પ્રિયંકાને જોઈ રહ્યો છે, અંજુલા પણ પ્રિયંકા સાથે ભાંગડા કરે છે. આ પાર્ટીમા પ્રિયંકાએ ગ્રીન કલરનો જમ્પસૂટ પહેર્યો છે.

પ્રિયંકાની મેનેજર અંજુલાએ પણ તેના સોશિયલ મીડિયા ઈન્સ્ટાગ્રામ એકાઉન્ટ પર પાર્ટીની કેટલીક તસવીરો શેર કરી છે. આ તસવીરોમાં પ્રિયંકા સાથે તેની આખી ગર્લ ગેંગ જોવા મળી રહી છે. તે જ સમયે, અંજુલાએ તેની પોસ્ટ સાથે એક લાંબું કેપ્શન લખીને પ્રિયંકા અને નિકનો આભાર માન્યો છે. 

પ્રિયંકાના વર્કફ્રન્ટની વાત કરીએ તો હાલમાં તે 'સિટાડેલ'ના શૂટિંગમાં વ્યસ્ત છે અને સેટ પરથી પોતાની તસવીરો શેર કરતી રહે છે.