દાદા ફરી એકવાર, ભૂપેન્દ્રભાઈ પટેલે સતત બીજી વખત મુખ્યમંત્રી પદના લીધા શપથ

ગુજરાતમાં ઐતિહાસિક જીત બાદ ભૂપેન્દ્ર પટેલ ટૂંક સમયમાં મુખ્યમંત્રી પદના શપથ લીધા છે. ભૂપેન્દ્ર પટેલની સાથે 16 નવા મંત્રીઓ પણ શપથ લેવા તૈયાર થયા છે. ભૂપેન્દ્ર પટેલ બીજી વખત ગુજરાતના મુખ્યમંત્રી તરીકે શપથ લીધા છે. આ પહેલા તેઓ સપ્ટેમ્બર 2021માં ગુજરાતના મુખ્યમંત્રી બન્યા હતા. પટેલની કેબિનેટમાં અનુભવી ચહેરાઓ તેમજ યુવાનોનો સમન્વય જોવા મળશે.

ગુજરાત વિધાનસભામાં ભાજપની શાનદાર જીત બાદ હવે ભૂપેન્દ્ર પટેલે બીજી એકવાર CM પદના શપથ લીધા છે. તેમને રાજ્ચના રાજ્યપાલે શપથ અપાવ્યા હતા. 

ભૂપેન્દ્ર પટેલનો પરિવાર હેલિપેડ ગ્રાઉન્ડ પર પહોંચ્યો...

વડાપ્રધાન નરેન્દ્ર મોદી શપથ ગ્રહણ સમારોહમાં મંચ પર પહોંચ્યા, ટૂંક સમયમાં ભૂપેન્દ્ર પટેલ ગુજરાતના મુખ્યમંત્રી તરીકે શપથ લેશે.

ગુજરાતના મુખ્યમંત્રી ભૂપેન્દ્ર પટેલના શપથ ગ્રહણ સમારોહમાં હાજરી આપવા ઉત્તર પ્રદેશના મુખ્યમંત્રી યોગી આદિત્યનાથ અમદાવાદ પહોંચ્યા છે. મુખ્યમંત્રી યોગીના પહોંચતા જ જય શ્રી રામના નારા લાગ્યા હતા.

શપથવિધિને લઈને વહીવટીતંત્ર દ્વારા તમામ તૈયારીઓ પૂર્ણ કરી દેવામાં આવી છે. ગાંધીનગર હેલિપેડ ગ્રાઉન્ડ ખાતે ડોમ તૈયાર થઈ ચુક્યો છે જેમાં ત્રણ સ્ટેજ બનાવાયા છે. જેમાં એક મંચ પર રાજ્યપાલ, નવા મુખ્યમંત્રી તથા તેમનું પ્રધાનમંડળ બેસશે. બીજા મંચ પર વડાપ્રધાનશ્રી નરેન્દ્ર મોદી, ગૃહમંત્રીશ્રી અમિત શાહ, ભાજપ શાસિત રાજ્યોના મુખ્યમંત્રીઓ અને કેન્દ્રીય મંત્રીઓ બેસશે અને ત્રીજા મંચમાં સાધુસંતો બેસશે. જણાવી દઈએ કે, ભુપેન્દ્રભાઈ પટેલ 15મી ગુજરાત વિધાનસભાના 17મા મુખ્યમંત્રી તરીકે શપથ લેશે.

વિરમગામથી ચૂંટાયેલા હાર્દિક પટેલે કહ્યું કે, હું ખૂબ જ યુવા ધારાસભ્ય છું. હું માત્ર પાર્ટી માટે કામ કરવામાં માનું છું. ભાજપ નક્કી કરશે કે તે કોને કેબિનેટમાં રાખવા માંગે છે. પાર્ટી મને જે પણ જવાબદારી આપશે તે હું ખુશીથી સ્વીકારીશ.

ઉલ્લેખનીય છે કે, ભારતીય જનતા પાર્ટીએ વિધાનસભા ચૂંટણીમાં 182માંથી 156 બેઠકો જીતીને શાનદાર જીત નોંધાવી હતી. પ્રતિસ્પર્ધી કોંગ્રેસ અને આમ આદમી પાર્ટી - એક કઠિન કસોટી પૂરી પાડવાની અપેક્ષામાં નિષ્ફળ રહી, અનુક્રમે માત્ર 16 અને 5 બેઠકો જીતી. 

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.