દેશમાં પોલીસના એકસમાન યુનિફોર્મ અંગે ચિંતન

દેશમાં 'એક દેશ-એક યુનિફોર્મ'ની ફોર્મ્યુલા લાગુ થશે તે વિશે કેન્દ્રીય ગૃહ રાજ્યમંત્રી નિત્યાનંદ રાયે લોકસભા (Loksabha)માં જવાબ આપ્યો હતો. 

સંસદના વર્તમાન સત્રમાં 'એક દેશ-એક યુનિફોર્મ'ની ફોર્મ્યુલા ભારતમાં લાગુ થશે કે નહીં તે અંગે પ્રશ્ન ઉઠાવવામાં આવ્યો છે. લોકસભામાં એક-બે નહીં પરંતુ સાત સાંસદોએ આ પ્રશ્ન ઉઠાવ્યો છે. આ સાંસદોએ કેન્દ્રીય ગૃહ મંત્રાલયને પૂછ્યું છે કે 'એક રાષ્ટ્ર-એક યુનિફોર્મ' માટે શું માળખું તૈયાર કરવામાં આવ્યું છે. આ અંગે રાજ્ય સરકારો સાથે કોઈ પરામર્શ કરવામાં આવ્યો છે કે કેમ. સાંસદોના પ્રશ્નના જવાબમાં કેન્દ્રીય ગૃહ રાજ્ય મંત્રી નિત્યાનંદ રાયે કહ્યું, 'પોલીસ' રાજ્યનો વિષય છે. રાજ્ય/કેન્દ્રશાસિત પ્રદેશના ગૃહ મંત્રીઓની ચિંતન શિબિરમાં રાજ્યોની પોલીસ માટે સમાન ગણવેશના મુદ્દા પર ચર્ચા કરવામાં આવી હતી.

આ પણ વાંચો--આંધ્રપ્રદેશમાં YSRCP અને TDP કાર્યકર્તાઓ વચ્ચે હિંસક અથડામણ