કચ્છ કલેક્ટરે ઉતાવળે ટ્વીટ કરી દીધું કે શું? ગાંધી નિર્વાણ દિવસે ગાંધીજીને જ ભૂલ્યા બાદમાં ટ્વીટ સુધાર્યું

ભારતના રાષ્ટ્રપિતા મોહનદાસ કરમચંદ ગાંધીની આજે પુણ્યતિથિ  છે. આજના દિવસે મહાત્મા ગાંધીની હત્યા કરી દેવામાં આવી હતી અને આ દિવસને સમગ્ર દેશમાં શહીદ દિવસ (Martyrs Day) તરીકે મનાવવામાં આવે છે. આજના દિવસે અનેક લોકોએ મહાત્મા ગાંધીને (Mahatma Gandhi) શ્રદ્ધાંજલી આપી છે પણ કચ્છના કલેક્ટરે કંઈ પણ જાણ્યા વિના ટ્વીટ કર્યું હોય તેમ ગાંધી નિર્વાણ દિવસે સ્વાતંત્ર્ય સંગ્રામના વીર શહિદોને શ્રદ્ધાંજલી આપી દીધી, સ્વાતંત્ર્ય સંગ્રામના વીર શહીદોને યાદ કરી શ્રદ્ધા સુમન આપવામાં આવે તેમાં કોઈ વાંધો હોય જ ના શકે પરંતુ કચ્છ કલેક્ટરે આ ટ્વીટમાં (Tweet) ગાંધીજીને યાદ કરવાનું જ ભૂલી ગયા બાદમાં એક ટ્વીટર યૂઝરે કાન અમળતા ભૂલનું ધ્યાન દોર્યાં બાદ અંતે ભૂલ સુધરી હતી.

કચ્છના કલેકટર દિલીપકુમાર રાણાએ કલેક્ટર કચેરીએ આજના દિવસે બે મિનિટનું મૌન પાળી શ્રદ્ધાંજલી આપી હતી. આ ક્ષણના ફોટા તેમણે ટ્વીટરમાં શેર કરી લખ્યું કે, 'આજરોજ ભારતના સ્વાતંત્ર્ય સંગ્રામમાં જે શહીદ વીરોએ પોતાના પ્રાણના બલિદાન આપ્યા છે તેવા શહીદ વીરોની સ્મૃતિમાં કલેક્ટર કચેરી ખાતે બે મિનિટનું મૌન પાડવામાં (પાળવામાં) આવ્યું.' સાથે તેમણે મુખ્યમંત્રી કાર્યાલય અને રાજ્યના ચીફ સેક્રેટરીને ટેગ કર્યાં હતા.

પણ ટ્વીટના થોડાં સમય બાદ નારણભાઈ ગઢવી નામના ટ્વીટર યૂઝરે મુખ્યમંત્રી કાર્યાલય, રાજ્યના ચીફ સેક્રેટરી અને માહિતી વિભાગ કચ્છને ટેગ કરીને કમેન્ટ કરી કે, સાહેબ આજના દિવસ ગાંધીજીની હત્યા કરવામાં આવી હતી એટલે શહીદ દિવસ મનાય છે.  માહિતીમાં સુધાર  કરવામાં આવે. જે બાદ ભૂલ ધ્યાને આવતા આ ટ્વિટ ડિલીટ કરી અને અન્ય ટ્વિટ કરવામાં આવ્યું હતું.

સ્વાતંત્ર્ય સંગામના શહીદોનું બલિદાન અમુલ્ય છે ત્યારે આપને જણાવી દઈકે ભારતમાં એક દિવસ જ નહી પરંતુ ઘણાં દિવસોને શહીદ દિવસ તરીકે મનાવવામાં આવે છે. ભારતમાં એવા ઘણાં દિવસો છે જેને શહીદ દિવસ તરીકે મનાવવામાં આવે છે.

આ પણ વાંચો - આજે ગાંધીજીની છે પુણ્યતિથિ, જાણો કોણે આપી હતી તેમને મહાત્માની ઉપાધિ