CM યોગી આદિત્યનાથે અક્ષય કુમારની 'સમ્રાટ પૃથ્વીરાજ' જોઈ, યુપીમાં ફિલ્મ ટેક્સ ફ્રી

અક્ષય કુમારની આવનારી ઐતિહાસિક ફિલ્મ 'સમ્રાટ પૃથ્વીરાજ' 3 જૂને સિનેમાઘરોમાં રિલીઝ થઈ રહી છે. આ પહેલાં યુપીના સીએમ યોગી આદિત્યનાથે આ ફિલ્મ જોઈ અને તેને ઉત્તર પ્રદેશમાં ટેક્સ ફ્રી પણ કરી છે. આ સમાચારથી ફેન્સ ઘણા ખુશ થઈ ગયા છે. 

અભિનેતા અક્ષય કુમાર સ્ટારર ફિલ્મ સમ્રાટ પૃથ્વીરાજ 3 જૂનના રોજ સિનેમાઘરોમાં રિલીઝ થવા જઈ રહી છે. ચાહકો આ ફિલ્મની આતુરતાથી રાહ જોઈ રહ્યા છે. આ ફિલ્મમાં અક્ષય કુમાર સાથે માનુષી છિલ્લર, સોનુ સૂદ, સંજય દત્ત લીડ રોલમાં છે અને તેનું નિર્દેશન ચંદ્ર પ્રકાશ દ્વિવેદીએ કર્યું છે. અક્ષયની આ ફિલ્મ કેન્દ્રીય ગૃહમંત્રી અમિત શાહ અને ઉત્તર પ્રદેશના સીએમ યોગી આદિત્યનાથ જોઈ ચૂક્યા છે. 2 જૂને, ટીમે લખનૌમાં ફિલ્મનું સ્પેશિયલ સ્ક્રીનિંગ કર્યું હતું, જેમાં યુપીના સીએમ પણ હાજર રહ્યા હતા. ફિલ્મ જોઈને તેણે તેના વખાણ કર્યા અને સાથે જ મોટી જાહેરાત પણ કરી.

તમને જણાવી દઈએ કે, આ પહેલા કેન્દ્રીય ગૃહમંત્રી અમિત શાહે  પણ આ ફિલ્મ જોઈ હતી. તેમણે ફિલ્મ જોયા બાદ કહ્યું, 'આ ફિલ્મ મહિલાઓનું સન્માન કરવાની અને મહિલા સશક્તિકરણની ભારતીય સંસ્કૃતિને દર્શાવે છે. તેની વાર્તા એક એવા વીરની છે, જે અફઘાનિસ્તાનથી દિલ્હીની લડાઈ વચ્ચે લડ્યો હતો.