રાજકોટ ગુરુકુલના ધોરણ 7ના વિદ્યાર્થીઓએ ભક્તિનગર પોલીસ મથકની લીધી મુલાકાત

આમતો લોકો વિચારતા હોય છે પોલીસ સ્ટેશનનું પગથિયું કોઈ ન ચડાવે પણ આજે કંઈક સ્થિતિ અલગ છે. પોલીસ પ્રજાનો મિત્ર અંતર્ગત રાજકોટ ગોંડલ રોડ પર આવેલ ગુરુકુલના ધોરણ 7 ના 70 જેટલાં વિદ્યાર્થીઓ ભક્તિનગર પોલીસ મથકની મુલાકાતે આવ્યા હતા. વિદ્યાર્થીઓ આવતાજ ભક્તિનગર પોલીસ ઇન્સ્પેકટર મહેન્દ્રસિંહ સરવૈયા દ્વારા પોલીસ મથકની તમામ કામગીરી અંગે જાણકારી આપવામાં આવી.

પોલીસ મથકમાં આવતા ફરિયાદી પહેલા PSO પાસે જાય ત્યાં તેની ફરિયાદ અંગે જાણકારી કરવામાં આવે બાદમાં વિસ્તાર મુજબ જેતે પોલીસ ચોકી ના PSI અથવા ASIને તપાસ સોંપવામાં આવતી હોય છે વગેરે વગેરે.. વિદ્યાર્થીઓ દ્વારા સવાલ કરવામાં આવ્યો હતો કે  કેટલાક પોલીસ કર્મીઓએ ખાખી યુનિફોર્મ કેમ નથી પહેર્યો કેમ ? તેના જવાબ આપતા પોલીસ ઇન્સ્પેક્ટર મહેન્દ્રસિંહ સરવૈયાએ  જણાવ્યું કે પોલીસની અમુક કામગીરી સિવિલ ડ્રેસ પહેરીને કરવી પડતી હોય છે આરોપી ને પકડવા  પોલીસનો યુનિફોર્મ પહેરીને જાય તો આરોપી ભાગી જતા હોય છે. જેને લઇને અમુક કિસાઓમાં સિવિલ ડ્રેસ પહેરી જવું પડતું હોય છે તેવું તેમણે જણાવ્યું. 

ગુરુકુલના વિદ્યાર્થીઓ દ્વારા પોલીસ દ્વારા ઉપયોગમાં લેવામાં આવતા હથિયાર અંગે પણ માહિતી મેળવવાામાં આવી હતી  વિદ્યાર્થીઓએ અથિયાર ઓપરેટીંગ અંગે પણ સવાલો કર્યા હતા જેમાં ગેસ ગન અને અલગ અલગ હથિયાર ક્યારે ઉપયોગ કરવામાં આવે તે અંગે પણ માહિતી આપવામાં આવી.  ભક્તિનગર પી.આઈ.મહેન્દ્રસિંહ સરવૈયા દ્વારા  વિદ્યાર્થીઓને કાયદા અંગે માહિતગાર કરવામાં આવ્યા.અને રસ્તામાં જતા હોવ ત્યારે કોઈ ઘટના ઘટી હોય તો  સીધું પોલીસ ને જાણ કરવું તેવી સમજ આપી. તેમણે વિદ્યાર્થીઓને બેડ ટચ અને ગુડ ટચ અંગે પણ માહિતગાર કર્યા અને ઓનલાઈન ફરિયાદ અંગે પણ માહિતગાર કર્યા હતા. 

આ પણ વાંચોઃ  'સાહેબ, મારો પતિ હથિયાર બતાવી મારી નાખવાની ધમકી આપે છે' જાણો કોણે કહ્યું