ચીનના ફાઈટર પ્લેન સતત તાઈવાનના એર ડિફેન્સ ઝોનનું ઉલ્લંઘન કરી રહ્યા છે, તાઇવાન હાઈ એલર્ટ પર

સ્ટ્રેટમાં નિયમિત પેટ્રોલિંગ માટેની તૈયારી

ચાઈનીઝ સ્ટેટ મીડિયા ગ્લોબલ ટાઈમ્સે અહેવાલ આપ્યો છે કે પીએલએના ઈસ્ટર્ન થિયેટર કમાન્ડે કહ્યું કે તેણે તાઈવાનની આસપાસ તાજેતરની કવાયત દરમિયાન વિવિધ મિશન સફળતાપૂર્વક પૂર્ણ કર્યા છે.ચીની સેનાએ વધુમાં કહ્યું કે તે તાઈવાન સ્ટ્રેટમાં નિયમિત પેટ્રોલિંગ કરશે.ચીનની ધમકીના જવાબમાં, તાઈવાનના સંરક્ષણ મંત્રાલયે કહ્યું કે PLA દ્વારા કવાયત અટકાવવાની જાહેરાત કર્યા પછી તે હાઈ એલર્ટ પર છે.

ગુરુવારે પણ તાઈવાનને ધમકી આપી હતી

એક દિવસ પહેલા ગુરુવારે ચીને ફરી એકવાર તાઈવાન પર હુમલો કરવાની ધમકી આપી હતી.ચીનના વિદેશ મંત્રાલયના પ્રવક્તા વાંગ વેનબિને જણાવ્યું હતું કે, "તાઈવાન સ્વતંત્રતા માટે બાહ્ય દળો સાથેની મિલીભગત અને ઉશ્કેરણી દ્વારા જ પોતાના વિનાશને આમંત્રણ આપશે અને જે લોકો તેને ટેકો આપે છે તેઓને પણ ટૂંક સમયમાં ખતમ કરી દેવામાં આવશે."તાઈવાનની આઝાદીનું તેમનું સ્વપ્ન ક્યારેય સાકાર થશે નહીં અને રાષ્ટ્રીય હિતોને કચડી નાખવાનો કોઈપણ પ્રયાસ સંપૂર્ણપણે નિષ્ફળ જશે.'