તવાંગમાં માર ખાધા બાદ સુધર્યું ચીન, ભારત સાથે સારા સંબંધોની કરી માંગ

તવાંગ અથડામણ બાદ ચીનના વિદેશ મંત્રી વાંગ યીએ ભારત-ચીન સંબંધોને લઈને મોટું નિવેદન આપ્યું છે. વાંગ યીએ કહ્યું છે કે ચીન અને ભારતે રાજદ્વારી અને સૈન્ય ચેનલો દ્વારા વાતચીત જાળવી રાખી છે. બંને દેશો સરહદી વિસ્તારોમાં સ્થિરતા જાળવવા માટે પ્રતિબદ્ધ છે. અમે ચીન-ભારત સંબંધોના સ્થિર અને મજબૂત વિકાસ માટે ભારત સાથે કામ કરવા તૈયાર છીએ તેવું  જણાવ્યું  હતું 

ચીન તરફથી આ નિવેદન એવા સમયે આવ્યું છે જ્યારે ભારત અને ચીન કોર્પ્સ કમાન્ડર સ્તરની 17માં રાઉન્ડની વાતચીત દરમિયાન પશ્ચિમી સેક્ટરમાં LAC સાથે જમીન સ્તરે સુરક્ષા અને સ્થિરતા જાળવવા માટે સંમત થયા છે. આ બેઠક 20 ડિસેમ્બર 2022ના રોજ ચીનના ક્ષેત્રમાં ચુશુલ-મોલ્ડો બોર્ડર મીટિંગ પોઈન્ટ પર યોજાઈ હતી.

વાંગ યીના નિવેદન પહેલા ભારતના સંરક્ષણ મંત્રાલયે કહ્યું હતું કે સરહદના ઉકેલ માટે બંને દેશો વચ્ચે સ્પષ્ટ અને ઊંડાણપૂર્વક ચર્ચા થઈ છે, પશ્ચિમી સેક્ટરમાં એલએસી પર શક્ય તેટલી વહેલી તકે શાંતિ અને સુલેહ-શાંતિ સ્થાપિત કરવામાં મદદ મળશે. દ્વિપક્ષીય સંબંધોમાં સુધારો થશે.પ્રગતિ થશે.બંને પક્ષો નજીકના સંપર્કમાં રહેવા ઉપરાંત સૈન્ય અને રાજદ્વારી સંવાદ જાળવવા ઉપરાંત બાકી રહેલા મુદ્દાઓના વહેલામાં વહેલી તકે પરસ્પર સ્વીકાર્ય ઉકેલ પર કામ કરવા સંમત થયા છે.

તમને જણાવી દઈએ કે 9 ડિસેમ્બરે ચીનની પીપલ્સ લિબરેશન આર્મીના લગભગ 300 સૈનિકોએ અરુણાચલ પ્રદેશના તવાંગ સેક્ટરમાં LACનું ઉલ્લંઘન કરવાનો પ્રયાસ કર્યો હતો. જે બાદ ભારતીય સેનાના જવાનોએ ચીની સૈનિકોનો પીછો કર્યો હતો. આ દરમિયાન બંને સેનાઓ વચ્ચે અથડામણ થઈ હતી અને ભારતીય અને ચીનના સૈનિકો ઘાયલ થયા હતા.ચીન વારંવાર 17 હજાર ફૂટ ઊંચા શિખર પર કબજો કરવાનો પ્રયાસ કરી રહ્યું છે. આ શિખર પર ભારતનું કડક નિયંત્રણ છે.

આપણ  વાંચો - શું 2023માં પૃથ્વી પર મચશે તબાહી ? જુઓ 2023ને લઇને બાબા વેંગાએ કરી હતી કઇ ખતરનાક ભવિષ્યવાણી