મંકીપોક્સના વધતા કેસ લઈ કેન્દ્ર સરકાર એલર્ટ

કોરોના બાદ વિશ્વભરમાં મંકીપોક્સનો કેસ વધતો જોવા મળી રહ્યો છે. વર્તમાન સ્થિતિ એ છે કે મંકીપોક્સનો ચેપ અત્યાર સુધીમાં 70 થી વધુ દેશોમાં દસ્તક આપી ચૂક્યો છે. જે અંતર્ગત વિશ્વભરમાં અત્યાર સુધીમાં 18 હજારથી વધુ કેસ નોંધાયા છે. જેમાં ભારતમાં મંકીપોક્સના 4 કેસ પણ સામે આવ્યા છે. તેને જોતા વિશ્વ આરોગ્ય સંસ્થાએ મંકીપોક્સને લઈને ઈમરજન્સી એલર્ટ જાહેર કર્યું છે. દરમિયાન, મંકીપોક્સને જોતા કેન્દ્ર સરકાર પણ એક્શનમાં આવી છે. જે અંતર્ગત કેન્દ્ર સરકારે મંકીપોક્સ વાયરસની ઓળખ માટે ટેસ્ટ કીટ બનાવવા અને તેના નિવારણ માટે રસી બનાવવાની તૈયારીઓ શરૂ કરી દીધી છે. આ માટે કંપનીઓને આમંત્રિત કરવાના હેતુથી ટેન્ડર બહાર પાડવામાં આવ્યા છે.