CBIએ ICICI બેંકના પૂર્વ CEO-MD ચંદા કોચરની અને તેના પતિની કરી ધરપકડ
લોન ફ્રોડ કેસમાં શુક્રવારે CBIએ ICICI બેંકની પૂર્વ CEO અને MD ચંદા કોચર અને તેમના પતિ દીપક કોચરની ધરપકડ કરી છે. હકીકતમાં, ચંદા એ સમિતિનો ભાગ હતી જેણે 26 ઓગસ્ટ, 2009ના રોજ વીડિયોકોન ઈન્ટરનેશનલ ઈલેક્ટ્રોનિક્સને રૂ. 300 કરોડ અને 31 ઓક્ટોબર, 2011ના રોજ વીડિયોકોન ઈન્ડસ્ટ્રીઝ લિમિટેડને રૂ. 750 કરોડની મંજૂરી આપી હતી. સમિતિના આ નિર્ણયથી બેંકના નિયમન અને નીતિનું ઉલ્લંઘન થયું છે.ચંદા કોચર 1984માં ICICI બેંકમાં મેનેજà
Advertisement
લોન ફ્રોડ કેસમાં શુક્રવારે CBIએ ICICI બેંકની પૂર્વ CEO અને MD ચંદા કોચર અને તેમના પતિ દીપક કોચરની ધરપકડ કરી છે. હકીકતમાં, ચંદા એ સમિતિનો ભાગ હતી જેણે 26 ઓગસ્ટ, 2009ના રોજ વીડિયોકોન ઈન્ટરનેશનલ ઈલેક્ટ્રોનિક્સને રૂ. 300 કરોડ અને 31 ઓક્ટોબર, 2011ના રોજ વીડિયોકોન ઈન્ડસ્ટ્રીઝ લિમિટેડને રૂ. 750 કરોડની મંજૂરી આપી હતી. સમિતિના આ નિર્ણયથી બેંકના નિયમન અને નીતિનું ઉલ્લંઘન થયું છે.
ચંદા કોચર 1984માં ICICI બેંકમાં મેનેજમેન્ટ તરીકે જોડાયા હતા
ચંદા કોચર 1984માં ICICI બેંકમાં મેનેજમેન્ટ ટ્રેઇની તરીકે જોડાયા હતા. 1994માં જ્યારે ICICI સંપૂર્ણ માલિકીની બેંકિંગ કંપની બની ત્યારે ચંદા કોચરને આસિસ્ટન્ટ જનરલ મેનેજર બનાવવામાં આવ્યા હતા. આ પછી ચંદા કોચર સતત સફળતાની સીડીઓ ચડતી રહી. ડેપ્યુટી જનરલ મેનેજર, જનરલ મેનેજરના પદો દ્વારા બેંકે તેમને 2001માં એક્ઝિક્યુટિવ ડિરેક્ટર બનાવ્યા. આ પછી તેમને કોર્પોરેટ બિઝનેસની દેખરેખની જવાબદારી સોંપવામાં આવી. ત્યારબાદ તેણીને ચીફ ફાઈનાન્સિયલ ઓફિસર બનાવવામાં આવ્યા હતા.
2009માં ચંદા કોચરને CEO અને MD બનાવવામાં આવ્યા હતા
2009માં ચંદા કોચરને CEO અને MD બનાવવામાં આવ્યા હતા. ચંદા કોચરના નેતૃત્વમાં ICICI બેંકે રિટેલ બિઝનેસમાં પગ મૂક્યો, જેમાં તેને અપાર સફળતા મળી. તે તેમની યોગ્યતા અને બેંકિંગ ક્ષેત્રમાં તેમના યોગદાનનો પુરાવો છે કે ભારત સરકારે ચંદા કોચરને તેમના ત્રીજા સર્વોચ્ચ નાગરિક સન્માન પદ્મ ભૂષણ (2011માં)થી નવાજ્યા હતા. કોચરના પતિની કંપનીમાં રોકાણ અંગે બેંકની ઉધાર લેનાર કંપની વિડિયોકોન ઇન્ડસ્ટ્રીઝ દ્વારા અયોગ્યતાના આક્ષેપો બાદ ઓક્ટોબર 2018માં ચંદા કોચરે રાજીનામું આપ્યું હતું.
2020માં EDએ પણ ચંદાના પતિની ધરપકડ કરી હતી
મે 2020માં એન્ફોર્સમેન્ટ ડિરેક્ટોરેટ (ED)એ ચંદા કોચર અને તેમના પતિની રૂ. 1,875 કરોડની લોન અને અન્ય સંબંધિત બાબતોના સંબંધમાં પૂછપરછ કરી હતી. આ લોન ICICI બેંકે વીડિયોકોનને 2009 અને 2011માં આપી હતી. ચંદા કોચર તે સમયે બેંકની MD અને CEO હતી. આ મામલે CBIએ FIR દાખલ કરી. ત્યાર પછી EDએ ચંદા કોચરના પતિ દીપક કોચરની ધરપકડ કરી હતી.
3 વર્ષ પહેલા 78 કરોડની મિલકત ટાંચમાં લેવામાં આવી હતી
EDએ 3 વર્ષ પહેલા ચંદા કોચરની 78 કરોડ રૂપિયાની સંપત્તિ જપ્ત કરી હતી. જેમાં મુંબઈમાં ચંદાનું ઘર અને તેની સાથે જોડાયેલી એક કંપનીની મિલકતોનો સમાવેશ થાય છે. EDના અધિકારીઓએ કહ્યું હતું કે કોચર વિરુદ્ધ પ્રિવેન્શન ઓફ મની લોન્ડરિંગ એક્ટ (PMLA) હેઠળ કાર્યવાહી માટે વોરંટ જારી કરવામાં આવ્યું છે. આ અંતર્ગત તપાસ એજન્સી દ્વારા કોચરનો મુંબઈ ફ્લેટ અને તેમના પરિવારની એક કંપનીની મિલકતો જપ્ત કરવામાં આવી હતી.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Advertisement