હરિયાણાની પ્રખ્યાત ડાન્સર સપના ચૌધરી પર કેસ દાખલ, જાણો એવું તે શું કર્યું?
સપના ચૌધરી હરિયાણાની એક પ્રખ્યાત ડાન્સર છે. તે પોતાના ડાન્સના કારણે હંમેશા ચર્ચામાં બની રહે છે. પરંતુ આજે તે એક અલગ કારણથી ચર્ચામાં આવી છે. મળી રહેલી માહિતી અનુસાર, સપના ચૌધરી અને તેના ભાઈ કર્ણ અને માતા વિરુદ્ધ પોલીસ સ્ટેશનમાં દહેજ અને મારા મારી સહિતની ગંભીર કલમો હેઠળ કેસ નોંધવામાં આવ્યો છે. આ કેસ સપના ચૌધરીના ભાભીએ નોંધાવ્યો છે. સપનાની ભાભીએ દહેજનો મુક્યો આરોપસપના ચૌધરી અને તેન
સપના ચૌધરી હરિયાણાની એક પ્રખ્યાત ડાન્સર છે. તે પોતાના ડાન્સના કારણે હંમેશા ચર્ચામાં બની રહે છે. પરંતુ આજે તે એક અલગ કારણથી ચર્ચામાં આવી છે. મળી રહેલી માહિતી અનુસાર, સપના ચૌધરી અને તેના ભાઈ કર્ણ અને માતા વિરુદ્ધ પોલીસ સ્ટેશનમાં દહેજ અને મારા મારી સહિતની ગંભીર કલમો હેઠળ કેસ નોંધવામાં આવ્યો છે. આ કેસ સપના ચૌધરીના ભાભીએ નોંધાવ્યો છે.
સપનાની ભાભીએ દહેજનો મુક્યો આરોપ
સપના ચૌધરી અને તેના ભાઈ કર્ણ અને માતા વિરુદ્ધ આરોપ છે કે, તેમણે દહેજમાં ક્રેટા કારની માંગણી કરી હતી. હાલ તો પોલીસે આ મામલાની તપાસ શરૂ કરી છે, પરંતુ એક અઠવાડિયું વીતી જવા છતાં આ મામલે કોઈની ધરપકડ કરવામાં આવી નથી. પલવલની રહેવાસી સપના ચૌધરીની ભાભીએ મહિલા પોલીસ સ્ટેશનમાં જણાવ્યું કે વર્ષ 2018માં તેના લગ્ન નજફગઢના રહેવાસી કર્ણ સાથે થયા હતા. કર્ણ સપના ચૌધરીના ભાઈ છે. આરોપ છે કે લગ્ન બાદથી જ તેને દહેજ માટે હેરાન કરવામાં આવી રહી હતી અને ઘણી વખત તેની સાથે મારપીટ કરવામાં આવી હતી. એટલું જ નહીં સપનાના ભાઈ પર તેની પત્ની સાથે અકુદરતી યૌન શોષણ જેવા ગંભીર આરોપો પણ લાગ્યા છે. ફરિયાદમાં સપનાની ભાભીએ જણાવ્યું કે જ્યારે તેણે દીકરીને જન્મ આપ્યો ત્યારે તેના સાસરિયાઓએ દીકરીના ખોળામાં ક્રેટા કારની માંગણી કરી હતી. આ માંગ દિનપ્રતિદિન ઉગ્ર બની રહી છે. મહિલાએ જણાવ્યું કે તેના પિતાએ તેની પૌત્રીને 3 લાખ રૂપિયા રોકડા, સોના-ચાંદીના દાગીના અને કપડાં આપ્યા હતા, પરંતુ તેમ છતાં તેના સાસરિયાઓની દહેજની માંગ પૂરી ન થઈ અને તેઓએ ક્રેટા કાર લાવવા માટે તેણીને ત્રાસ આપવાનું શરૂ કર્યું.
કોણ છે સપના ચૌધરી?
સપના ચૌધરી હરિયાણાની પ્રખ્યાત ડાન્સર છે. સ્ટેજ પરફોર્મન્સમાં તેનું ઘણું નામ છે. સોશિયલ મીડિયા પર તેની મજબૂત ફેન ફોલોઈંગ છે. કહેવાય છે કે બાળપણમાં સપના ચૌધરીના માથા પરથી તેના પિતાનો પડછાયો ગાયબ થઈ ગયો હતો. માતાએ તેમને અને તેમના ભાઈનું ભરણપોષણ કરીને ઉછેર કર્યો. નાનપણથી જ સપનાએ ઘરની જવાબદારી પોતાના ખભા પર લઈ લીધી હતી. તેણે સ્ટેજ પર પરફોર્મ કરીને પૈસા કમાવવાનું શરૂ કર્યું. એટલું જ નહીં, સપના ચૌધરી ટીવીના લોકપ્રિય રિયાલિટી શો 'બિગ બોસ 11'નો પણ ભાગ બની હતી.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Advertisement