દિલ્હીના કંઝાવલા હિટ એન્ડ રનની જેમ સુરતમાં સ્કૂટર ચાલકને 12 કિમી સુધી ખેંચી જતા કાર ચાલકની ધરપકડ

પોલીસે આરોપીની  કરી  ધરપકડ 

છેલ્લા ચાર દિવસથી પોલીસ દ્વારા ધરપકડ કરાયેલા હત્યારા કાર ચાલકને પોલીસ શોધી રહી હતી. વાસ્તવમાં એક છોકરાએ એવો વીડિયો બનાવ્યો હતો કે એક વ્યક્તિ વાહનની અંદર ફસાઈ ગયો છે અને વાહન તેને ખેંચી રહ્યું છે. આ જ વીડિયોના આધારે પોલીસે વાહનનો નંબર ટ્રેક કર્યો અને ડ્રાઈવર સુધી પહોંચી. એલસીબીની ટીમે બિરેન શિવભાઈ લાડુમોર નામના શખ્સની ધરપકડ કરી છે. બિરેન વ્યવસાયે બિલ્ડર છે, જેની પોલીસ ટીમે મુંબઈથી ધરપકડ કરી હતી. આ સાથે એફએસએલની તપાસમાં એવું પણ બહાર આવ્યું છે આ સાથે એફએસએલની તપાસમાં એવું પણ બહાર આવ્યું છે કે, સુરતના પલસાણાના 12 કિલોમીટરના વિસ્તારમાંથી લાશને ખેંચી જવાના નિશાન મળી આવ્યા હતા.

સુરતના પલસાણા તાલુકાના તાંતીથૈયા ગામ પાસે કારે બાઇકને ટક્કર મારી હતી. જેમાં યુવક અને તેની પત્ની બંને સવાર હતા. તે જ સ્થળેથી યુવકની પત્ની ખરાબ રીતે ઘાયલ હાલતમાં મળી આવી હતી. જ્યારે બાઇક પર સવાર સાગર પાટીલનો મૃતદેહ બે દિવસ બાદ 12 કિમી દૂરથી મળી આવ્યો હતો. સાગર તેની પત્ની અશ્વિની સાથે સુરત જઈ રહ્યો હતો. મૃતદેહ મળ્યા બાદ પોલીસે તપાસ શરૂ કરી હતી.

પોલીસ પાસેથી મળતી માહિતી મુજબ કાર ચલાવી રહેલા બિરેને પોતાની કાર પોતાના ઘરની અંદર છુપાવી હતી. પોલીસ હવે એ પણ તપાસ કરી રહી છે કે આ વ્યક્તિ તે સમયે નશામાં હતો કે નહીં. વળી, તેને શું ખબર હતી કે તેણે જે બાઇક ચાલકને ટક્કર મારી હતી તે વાહનમાં ફસાઇ ગયો હતો. તેણે કાર કેમ ન રોકી?

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.