બ્રિટનના વડાપ્રધાન બોરિસ જોનસન ભારતની મુલાકાતે, જાણો ક્યાં કયાં જશે

તેમની આ મુલાકાત વૈશ્વિક સ્તરે ખુબ જ મહત્વની ગણાશે. રશિયા યુક્રેન વચ્ચેના જંગ બાદ યુરોપ ચારે બાજુથી સંકટોમાં ઘેરાયેલું છે ત્યારે બોરિસ જોનસનની મુલાકાતનું મહત્વ વધી જાય છે. તેમની મુલાકાત ઘણા સમયથી પાછી ઠેલાતી હતી. તેમને 26મી જાન્યુઆરીના સમારોહમાં ચીફ ગેસ્ટ બનાવાયા હતા પણ તેઓ હાજરરહી શકયા ન હતા અને તેથી તેમણે તે સમયે અફસોસ પણ વ્યકત કર્યો હતો. 

ત્યારબાદ નવેમ્બર 2021માં વડાપ્રધાન નરેન્દ્ર મોદીએ સ્કોટલેન્ડ ના ગ્લાસગોમાં થયેલા યુએન ક્લાઇમેટ ચેન્જ કોન્ફરન્સ દરમિયાન બોરિસ જોનસનને ભારત આવવા માટે આમંત્રણ આપ્યું હતું. જેનો તેમણે સ્વીકાર પણ કર્યો હતો. તેમની આ વખતની મુલાકાત 2030 સુધીનો રોડ મેપ તૈયાર કરવામાં મહત્વની સાબિત થશે. ગ્લાસગો સંમેલનમાં ભારત અને બ્રિટન વચ્ચે દ્વિ પક્ષીય સંબંધોને આગળ ધપાવવા માટે વાતચીત થઇ હતી.ગ્રીન હાઇડ્રોજન, અક્ષય ઉર્જા અને ક્લીન ટેકનોલોજી તથા રક્ષા સહયોગમાં પણ આગળ વધાય તેવી શકયતા છે.