બ્રિટિશ કોર્ટે જુલિયન અસાંજેને અમેરિકા મોકલવાનો આદેશ આપ્યો, પ્રત્યાર્પણનો મામલો આખરે ગૃહમંત્રી પ્રીતિ પટેલ પાસે પહોંચ્યો
વિકિલીક્સના સ્થાપક જુલિયન અસાંજેને બુધવારના રોજ યુકેની એક
અદાલતે ઇરાક અને અફઘાનિસ્તાન યુદ્ધોને લગતી ગુપ્ત ફાઇલોના જાહેરમાં ખુલાસા અને
પ્રકાશનના આરોપો પર સુનાવણી માટે યુએસમાં દેશનિકાલ કરવાનો આદેશ આપ્યો હતો. મળતી માહિતી મુજબ આ મામલામાં કાયદાકીય
પ્રક્રિયા લાંબા સમયથી ચાલી રહી છે. બુધવારે સુનાવણી કરતા એક બ્રિટિશ ન્યાયાધીશે
આદેશ આપ્યો કે જુલિયન અસાંજેની ફાઇલ યુકેના ગૃહ પ્રધાન પ્રીતિ પટેલને મોકલવામાં
આવે. આ મામલામાં તેઓ નક્કી કરશે કે વિકિલીક્સના સ્થાપકને યુએસના ગોપનીય દસ્તાવેજો
જાહેર કરવા માટે યુએસમાં દેશનિકાલ કરવો જોઈએ કે નહીં.
જોકે પ્રત્યાર્પણના આદેશ પર પ્રીતિ પટેલની સહી પછી પણ અસાંજે ન્યાયિક
સમીક્ષા દ્વારા નિર્ણયને પડકારી શકે છે. ન્યાયિક સમીક્ષાની પ્રક્રિયામાં તે ન્યાયાધીશ હેઠળ છે. જે તપાસ કરે છે કે
સરકાર દ્વારા લેવામાં આવેલ નિર્ણય યોગ્ય છે કે નહીં. જ્યારે રિપોર્ટર્સ વિધાઉટ બોર્ડર્સે પ્રીતિ પટેલને જુલિયન અસાંજેના
સમર્થનમાં અસાંડેના પ્રત્યાર્પણની ફાઇલ પર સહી કરવાનો ઇનકાર કરવા વિનંતી કરી છે.
રિપોર્ટર્સ વિધાઉટ બોર્ડર્સનું કહેવું છે કે 'પત્રકારત્વ અને પ્રેસની સ્વતંત્રતાના રક્ષણ માટે' મંત્રી પ્રીતિ પટેલે આ
બાબતે સહાનુભૂતિપૂર્વક વિચાર કરવો જોઈએ. એ વાત જાણીતી છે કે વર્ષ 2010માં 50 વર્ષીય જુલિયન અસાંજે
વિકિલીક્સ દ્વારા અમેરિકાની ઘણી ગુપ્ત ફાઈલોને સાર્વજનિક કરી હતી. જેના કારણે અસાંજે પર
અમેરિકામાં જાસૂસી કાયદાનો ભંગ કરવા સહિત કુલ 18 ગુનાહિત કેસ છે. પરંતુ ત્યારથી અસાંજે અમેરિકામાં છે. તેથી તે તમામ કેસ પેન્ડિંગ
છે.