બ્રિટનની મહારાણીના આજે શાહી સન્માન સાથે અંતિમ સંસ્કાર, વિશ્વના ઈતિહાસમાં જે ક્યારેય નથી બન્યું તે આજે બનશે

બ્રિટનની મહારાણી એલિઝાબેથ (Queen Elizabeth) દ્વિતીયના આજે એટલે કે સોમવારે અંતિમ સંસ્કાર કરવામાં આવશે. ક્વીન એલિઝાબેથ દ્વિતીયને આજે લંડનના વેસ્ટમિન્સ્ટર એબી ખાતે અંતિમ વિદાય આપવામાં આવશે. જેનું જીવંત પ્રસારણ પણ કરવામાં આવશે. આ માટે વિવિધ પાર્કમાં મોટી સ્ક્રીન લગાવવામાં આવી છે. ક્વીન એલિઝાબેથ દ્વિતીયને અંતિમ વિદાય આપવા માટે વિવિધ દેશોના રાષ્ટ્રાધ્યક્ષો સહિત 2000 જેટલા મહેમાનો હાજર રહેવાના છે.

બ્રિટનની મહારાણી એલિઝાબેથ દ્વિતીયના આજે 19 સપ્ટેમ્બરે અંતિમ સંસ્કાર કરવામાં આવશે. તે વિશ્વની સૌથી મોટી અંતિમવિધિ માનવામાં આવે છે, કારણ કે ન તો બ્રિટનમાં અને ન તો વિશ્વના ઇતિહાસમાં આવું ક્યારેય બન્યું હોય. તે બ્રિટનનો 70 વર્ષનો ઈતિહાસ પણ બદલવા જઈ રહ્યા છે, કારણ કે 70 વર્ષ પહેલા ક્વીન એલિઝાબેથના પિતા જ્યોર્જ VI ના અંતિમ સંસ્કાર શાહી પરંપરા સાથે કરવામાં આવ્યા હતા. 70 વર્ષ પછી પરિવર્તન એ થશે કે હવે ડિજિટલ યુગ છે, તેથી જો તેનું લાઈવ ટેલિકાસ્ટ થશે તો અબજો લોકો તેને ઘરે બેઠા જોઈ શકશે. તે બ્રિટનમાં અત્યાર સુધીનું સૌથી મોટું રાજ્ય અંતિમ સંસ્કાર અને સુરક્ષા ઓપરેશન હશે. 

બ્રિટનની સ્વર્ગસ્થ મહારાણી એલિઝાબેથ II ના આજે શાહી સન્માન સાથે અંતિમ સંસ્કાર કરવામાં આવશે જે બ્રિટનમાં અત્યાર સુધીની સૌથી મોટી અંતિમવિધિ હશે. અગાઉ, વેસ્ટમિન્સ્ટર હોલમાં મહારાણીની ઝલક મેળવવા માટે હજારો લોકો કડકડતી ઠંડીમાં 8 કિલોમીટર લાંબી કતારોમાં ભૂખ્યા અને તરસ્યા ઉભા હતા. સામાન્ય લોકો બ્રિટિશ સમય અનુસાર સોમવારે સવારે 6.30 વાગ્યે (ભારતમાં દિવસના 11 વાગ્યા સુધી) રાણીના દર્શન કરી શકે છે.  

રાણી એલિઝાબેથ II ના પિતા જ્યોર્જ VI ના મૃત્યુને 70 વર્ષ થઈ ગયા છે. એટલા માટે બ્રિટનમાં મોટાભાગના લોકો આ અંતિમ સંસ્કારની પરંપરાઓ જોવા માટે ટેવાયેલા નથી. જેઓ તેમના પિતાના શાસન અને મૃત્યુને યાદ કરે છે, તેમના માટે ડિજિટલ યુગમાં રાણીની અંતિમવિધિ જોવી એક અલગ જ અનુભવ રહેશે. તેઓ તેને આજે સરળતાથી જોઈ શકશે. 

ભારતના રાષ્ટ્રપતિ દ્રૌપદી મુર્મૂ, અમેરિકી રાષ્ટ્રપતિ જો બાઇડેન અને તેમની પત્ની જીલ બાઇડેન, ફ્રાન્સના રાષ્ટ્રપતિ ઈમેન્યુઅલ મેક્રો, કેનેડાના વડાપ્રધાન જસ્ટિન ટ્રુડો, ન્યુઝીલેન્ડના વડાપ્રધાન જેસિન્ડા આર્ડર્ન અને ઓસ્ટ્રેલિયાના વડાપ્રધાન એન્થોની આલ્બેનિસ પણ હાજરી આપશે. આ સિવાય તુર્કી, ઈઝરાયેલ અને તમામ કોમનવેલ્થ દેશોના અનેક રાષ્ટ્રાધ્યક્ષો પણ મહારાણી એલિઝાબેથ દ્વિતીયના અંતિમ સંસ્કાર કાર્યક્રમમાં હાજરી આપશે.

શાહી સમારોહનો આ કાર્યક્રમ લગભગ બે કલાક ચાલશે. આ દરમિયાન, રાણીને પરંપરાગત રીતે ટ્રમ્પેટ વગાડીને અંતિમ વિદાય આપવામાં આવશે. રાણીના અંતિમ સંસ્કાર દરમિયાન સમગ્ર યુકેમાં બે મિનિટનું રાષ્ટ્રીય મૌન પાળવામાં આવશે. જણાવી દઈએ કે, મહારાણી એલિઝાબેથ દ્વિતીયનું 8 સપ્ટેમ્બરે 96 વર્ષની વયે અવસાન થયું હતું. એલિઝાબેથ II બ્રિટનમાં સૌથી લાંબા સમય સુધી શાસન કરનાર શાહી વ્યક્તિ હતી. તેણે 70 વર્ષ સુધી બ્રિટન પર શાસન કર્યું.

આ પણ વાંચો - ક્વીનની અંત્યેષ્ઠીમાં આ દેશના વડાઓ થશે સામેલ, આ દેશો નિમંત્રણ પણ નહી, જાણો