મોહાલી કાંડની જેમ છોકરા-છોકરીઓ જાતે જ પોર્ન વિડીયો અપલોડ કરી રહ્યા છે, જાણો શું છે તેનું કારણ?

મોહાલીની ચંદીગઢ યુનિવર્સિટીમાં વિદ્યાર્થિનીઓના વાંધાજનક વીડિયો બનાવવા અને પછી તેને વાયરલ કરવાના મામલામાં તપાસ તેજ થઈ ગઈ છે. આ કેસમાં અત્યાર સુધીમાં ત્રણ આરોપીઓની ધરપકડ કરવામાં આવી છે. આરોપી વિદ્યાર્થી પર હોસ્ટેલની છોકરીઓનો વીડિયો બનાવીને  મિત્રોને મોકલવાનો આરોપ છે. પોલીસ આ કેસમાં તપાસ કરી રહી છે કે શું આ વીડિયો પોર્ન વેબસાઈટ પર મૂકવામાં આવ્યો હતો? આખરે વિદ્યાર્થિનીઓનો અશ્લીલ વીડિયો બનાવવાનો હેતુ શું હતો? તપાસમાં સામે આવ્યું છે કે મોટી સંખ્યામાં યુવક-યુવતીઓએ પોતાના પોર્ન વીડિયો બનાવીને વેબસાઈટ પર અપલોડ કરવાનું શરૂ કરી દીધું છે. તેની પાછળનું કારણ જાણીને તમે પણ ચોંકી જશો. આવો જાણીએ…

સાયબર સિક્યુરિટી એક્સપર્ટ્સનું કહેવું છે કે 'વર્ષ 2018માં કેન્દ્ર સરકારના આદેશ બાદ 827 પોર્ન સાઇટ્સ બંધ કરવામાં આવી હતી. આ આદેશ પછી એવું માનવામાં  આવી રહ્યું હતું કે હવે ભારતમાં કોઇ પોર્ન નહીં જોઇ શકે, પરંતુ એવું થયું નહીં. આજે પણ વિવિધ પ્રકારની પોર્ન સાઇટ્સ ચાલી રહી છે અને ભારતમાં તેને જોવાની સંખ્યા વિશ્વના ઘણા દેશો કરતાં વધુ છે. અમેરિકા અને યુકે પછી પોર્ન વેબસાઈટ જોવામાં ભારત ત્રીજા નંબરે છે.