અમિતાભ બચ્ચને કરી ઋષિકેશમાં પૂજા,'શ્રીવલ્લી' સાથે પુષ્પાનો ફોટો કર્યો શેર

અમિતાભ બચ્ચન હાલમાં તેમની આગામી ફિલ્મ ગુડબાયના શૂટિંગ માટે ઉત્તરાખંડમાં છે. શૂટિંગ પહેલા તે ઋષિકેશના ઘાટ પર સ્વામી ચિદાનંદ સાથે પ્રાર્થના કરતા જોવા મળ્યાં હતા. બોલીવુડના શહેનશાહ અમિતાભ બચ્ચન હાલમાં ઉત્તરાખંડના ઋષિકેશમાં છે. ગુરુવારે જ બિગ બીએ અહીં પરમાર્થ નિકેતન સ્થિત ઘાટ પર ગંગા આરતી કરી હતી. 

હવે તેમની આ ઘણી તસવીરો અને વીડિયો સોશિયલ મીડિયા પર વાયરલ થઈ રહ્યા છે. પરમાર્થ નિકેતનના ઘાટ પર બિગ બીની એક ઝલક મેળવવા માટે લોકોની ભીડ પણ ઉમટી હતી. બિગબીનું અહીં ઉષ્માભર્યું સ્વાગત કરવામાં આવ્યું હતું. અમિતાભ બચ્ચનની સાથે પરમાર્થ નિકેતનના પ્રમુખ સ્વામી ચિદાનંદ સરસ્વતી પણ ઘાટ પરથી સામે આવેલી તસવીરો અને વીડિયોમાં જોવા મળે છે.આ સાથે જ લોકોના મનમાં વારંવાર સવાલ આવી રહ્યો છે કે બિગ બી  કેમ ઋષિકેશ ગયા છે? 

ગંગા આરતી દરમિયાન અમિતાભ બચ્ચન એથનિક લુકમાં જોવા મળ્યા હતા. બિગ બી કુર્તા પાયજામા સાથે હાફ જેકેટ પહેરેલા જોવા મળ્યા હતા. ઘાટ પરથી સામે આવેલી તસવીરમાં અમિતાભ બચ્ચન સ્વામી ચિદાનંદ સરસ્વતીને ધ્યાનથી સાંભળી રહ્યા છે. તે જ સમયે, ઉત્તરાખંડથી જ અમિતાભ બચ્ચને પણ સોશિયલ મીડિયા પર એક તસવીર શેર કરી છે, જેમાં તેમની સાથે પુષ્પાની શ્રીવલ્લી એટલે કે રશ્મિકા મંદન્ના જોવા મળી રહી છે. 

થોડા દિવસો પહેલા જ અમિતાભ બચ્ચનના દીકરા અને બોલિવૂડ એક્ટર અભિષેક બચ્ચનની ફિલ્મ દસવીંનું ટ્રેલર રિલીઝ થયું હતું. દસમીનું ટ્રેલર લોકોને ખૂબ પસંદ આવ્યું. આ ફિલ્મ આવતા અઠવાડિયે રિલીઝ થવા જઈ રહી છે અને આવી સ્થિતિમાં ઘણા લોકો માને છે કે અમિતાભ બચ્ચન તેમના પુત્રની ફિલ્મ માટે આશીર્વાદ લેવા આવ્યા હતાં. પણ વાસ્તવમાં તમને જણાવી દઈએ કે અમિતાભ બચ્ચન ઉત્તરાખંડમાં તેમની આગામી ફિલ્મ ગુડબાયનું શૂટિંગ કરી રહ્યા છે.

પુષ્પા ફેમ અભિનેત્રી રશ્મિકા મંદન્ના અમિતાભ બચ્ચન સાથે ફિલ્મ ગુડબાયમાં જોવા મળશે. બિગ બીએ ફિલ્મના સેટ પરથી રશ્મિકા મંડન્નાની એક તસવીર પણ શેર કરી છે. આ તસવીર પોસ્ટ કરતા અમિતાભ બચ્ચને કેપ્શનમાં લખ્યું, 'પુષ્પા...'.