શહનાઝ ઈદની પાર્ટીમાં સલમાન ખાનને પોતાની તરફ ખેંચ્યો, કરી આ સ્પેશિયલ ડિમાન્ડ

શહેનાઝ ગિલ સલમાન ખાનની બહેન અર્પિતા ખાન શર્મા દ્વાર હોસ્ટ કરેલી ઈદ પાર્ટીમાં હાજરી આપવા પહોંચી હતી. આ દરમિયાન શહનાઝે સલમાન સાથે ખૂબ મસ્તી કરી હતી અને દબંગ ખાને પણ એક્ટ્રેસ સાથે હેપી મૂડમાં જોવા મળ્યો હતો. સુપરસ્ટાર સલમાન ખાનની બહેન અર્પિતા ખાન શર્માએ ઈદ નિમિત્તે તેના ઘરે એક ભવ્ય પાર્ટીનું આયોજન કર્યું હતું. આ પાર્ટીમાં બોલિવૂડના તમામ મોટા સ્ટાર્સે હાજરી આપી હતી. જોકે, શહનાઝ ગિલ સૌથી વધુ લાઇમલાઇટમાં રહી હતી. શહનાઝ ગિલ આ પાર્ટીમાં ખૂબ જ સુંદર બ્લેક સૂટ પહેરીને પહોંચી હતી અને હવે શહનાઝના ઘણા વીડિયો સોશિયલ મીડિયા પર વાયરલ થઈ રહ્યા છે. આ પાર્ટીમાં શહનાઝ ગીલે સલમાન ખાન સાથે સૌથી વધુ મસ્તી કરી હતી.

ફોટા સેશન દરમિયાન શહનાઝ ગિલે સલમાન ખાન સાથે ઘણી બધી તસવીરો ક્લિક કરાવી હતી અને આ દરમિયાન શહનાઝ અને સલમાન એકબીજાને ગળે લગાવતા અને ઘણી વાતો કરતા પણ જોવા મળ્યાં હતાં. શહનાઝ અને સલમાન વચ્ચેની આ બોન્ડિંગ લોકોને પસંદ આવી રહી છે.

 હાલમાં શહનાઝ અને સલમાનનો એક વીડિયો સોશિયલ મીડિયા પર સૌથી વધુ વાયરલ થઈ રહ્યો છે, આ વીડિયોમાં શહનાઝ ઈદની પાર્ટીમાં સલમાન ખાનનો હાથ ખેંચતી જોવા મળે છે અને કહે છે કે તે સલમાન મને ઘરે મૂકવા આવવાનું નાટક કરે છે.  જો કે સલમાન પંજાબની કેટરીનાને લાડ કરતો જોવા મળ્યો હતો. અને તે શહેનાઝને કારમાં મૂકવા સુધી પણ જાય છે. સલમાન શહનાઝને કારમાં પાછી મોકલે છે અને પછી તે અર્પિતાના ઘરે પાછો આવે છે.

સોશિયલ મીડિયા પર શહનાઝના અન્ય વીડિયો પણ સામે આવ્યા છે, જેમાં શહનાઝ ફોટોગ્રાફર્સને સલામ કરતી જોવા મળી રહી છે. શહનાઝ ગિલ આ દરમિયાન બ્લેક કલરના ટ્રેડિશનલ આઉટફિટમાં જોવા મળી હતી. ઉલ્લેખનીય છે કે, શહનાઝ ગિલ સલમાન ખાનની ફિલ્મ 'કભી ઈદ, કભી દિવાલી'માં જોવા મળી શકે છે. સાથે જ, સલમાન ખાનને બિગ બોસ સીઝન 13માં શહનાઝ ગિલનો બબલી સ્વભાવ ખૂબ જ પસંદ આવ્યો હતો.