Asian Games 2023: એશિયન ગેમ્સમાં ભારતની ધમાકેદાર શરૂઆત

ચીનના હાંગઝોઉમાં આ વર્ષે Asian Games નું આયોજન કરવામાં આવી રહ્યું છે. આ ટૂર્નામેન્ટમાં ભારતના 655 ખેલાડીઓ 39 વિવિધ રમતોમાં ભાગ લઈ રહ્યા છે. એશિયન ગેમ્સનો આજે પ્રથમ દિવસ છે. જ્યાં ભારતના ઘણા ખેલાડીઓ એક્શનમાં જોવા મળશે. એશિયન ગેમ્સમાં ભારતે સિલ્વરના રૂપમાં પહેલો મેડલ જીત્યો છે. 10 મીટર એર રાઈફલ ટીમ ઈવેન્ટમાં ભારતની દિકરીઓએ શાનદાર પ્રદર્શન કરી ભારત માટે મેડલ જીત્યો છે. રમિતા, મેહુલી ઘોષ અને આશી ચૌકસીએ 1886ના કુલ સ્કોર સાથે સિલ્વર મેડલ જીત્યો છે. જ્યારે યજમાન ચીને 1896.6 પોઈન્ટ સાથે ગોલ્ડ જીત્યો છે, જ્યારે મોંગોલિયાએ 1880 પોઈન્ટ સાથે બ્રોન્ઝ જીત્યો હતો.