સોનુ સૂદનો સીન આવતા જ ફેન્સ થયા દીવાના,જાણો એવું તો શું કર્યું કે હીરો થયો ભાવુક

ફિલ્મ આચાર્યને લઈને સોનુ સૂદના ફેન્સમાં જબરદસ્ત ક્રેઝ છે. ચાહકોએ સિનેમા હોલની બહાર તેમના પોસ્ટરો પર દૂધ ચઢાવ્યું અને ફટાકડા પણ ફોડ્યા. હવે આ અંગે અભિનેતાએ વીડિયો શેર કરીને પોતાની પ્રતિક્રિયા આપી છે. ચિરંજીવી, રામચરણ, પૂજા હેગડે અને કાજલ અગ્રવાલ સ્ટારર આચાર્ય 29મી એપ્રિલે  સિનેમાઘરોમાં રિલિઝ થઇ ચૂકી છે. ફિલ્મને વિવચકો દ્વારા મધ્યમ પ્રતિક્રિયા અપાઇ છે. 

આ ફિલ્મનું શુટીંગ કોરોના મહામારી પહેલાં શરુ થયું હતું. જો કે લાકડાઉન બાદ સોનૂ સુદના કેટલાક ફાઇટ સીનમાં બદલાવ કરવામાં આવ્યો. આ અંગે અભિનેતાએ જાતે પણ આ અંગે ખુલાસો કર્યો છે.  ફિલ્મને લઇને સોનૂ સુદના ફેન્સ ખુબ જ ઉત્સાહિત છે. સિનેમાઘરો બહાર તેના ફેન્સની લાઇનો લાગી છે. આ અંગે સોનૂએ પોતે એક વીડિયો શેર કર્યો છે. સોનુ સૂદે આ વીડિયો શેર કર્યો છે જે સિનેમા હોલની અંદર બનાવવામાં આવ્યો છે. વીડિયોમાં સોનુ સૂદનો એક સીન છે. તે સ્ક્રીન પર આવતાની સાથે જ ચાહકો જોર જોરથી બૂમો પાડવા લાગે છે. વીડિયોમાં આગળ સિનેમા હોલની બહાર સોનુ સૂદનું પોસ્ટર છે. ચાહકો તેમની પૂજા કરી રહ્યા છે અને ફટાકડા ફોડી રહ્યા છે. ત્યાં ચાહકોની ભારે ભીડ છે.

વીડિયો શેર કરતાં સોનુ સૂદે લખ્યું, 'મારા પ્રિય ચાહકોનો ખૂબ ખૂબ આભાર, જેમને હું ગર્વથી મારા પરિવારને કહું છું. તેણે આ બધું મારા માટે કર્યું. હું આ પ્રકારના પ્રેમને લાયક નથી, પરંતુ તમારો પ્રેમ મને વધુ સારું કરવા માટે પ્રેરણા આપે છે. તમને સૌને પ્રેમ કરું છું.'

જણાવી દઈએ કે આ પહેલા મીડિયા સાથે વાત કરતા સોનુ સૂદે કહ્યું હતું કે કોરોના મહામારી પહેલા તેને નેગેટિવ રોલ મળી રહ્યા હતા, જ્યારે હવે તેની પાસે જે પણ ઑફર્સ છે તે પોઝિટિલ રોલ માટે છે.