ગ્રેમી એવોર્ડ જીતનારી પ્રથમ પાકિસ્તાની મહિલા બની અરુજ આફતાબ, કહ્યું- હું બેહોશ થઈ જઈશ

ગાયક અરુજ આફતાબ ગ્રેમી એવોર્ડ જીતનારી પ્રથમ પાકિસ્તાની મહિલા બની છે. આરુજને બેસ્ટ ગ્લોબલ પરફોર્મન્સ કેટેગરીમાં 'મોહબ્બત' ગીત માટે ગ્રેમી એવોર્ડ મળ્યો છે. ગ્રેમીના ઓફિશિયલ ટ્વિટર હેન્ડલ પરથી કરવામાં આવેલા ટ્વિટમાં આ લખવામાં આવ્યું છે કે આરૂજ આફતાબના મોહબ્બત ગીતે બેસ્ટ ગ્લોબલ મ્યુઝિક પરફોર્મન્સ 2022 માટે ગ્રેમી એવોર્ડ જીત્યો છે. આફતાબ ગ્રેમી એવોર્ડ જીતનાર અને શ્રેષ્ઠ નવા કલાકારની શ્રેણીમાં નામાંકિત થનારી પ્રથમ પાકિસ્તાની મહિલા છે.

એવોર્ડ મેળવ્યા બાદ તેણે કહ્યું, 'મને લાગે છે કે હું બેહોશ થઈ જઈશ. વાહ, તમારો ખૂબ ખૂબ આભાર. મને લાગે છે કે આ કેટેગરી પોતે જ ખૂબ ઉંચી છે. હું પોતે  આ સાંભળીને ખૂબ જ ક્રેઝી  થઇ રહી છું. . જેમ કે તેમાં બર્ના બોય, વિઝકીડ, ફેમી કુટી અને એન્જેલિક કિડજો જેવા નામો સામેલ છે. આફતા ગ્રેમીના જીતવા પર માહિરા ખાને પણ ટ્વિટ કરીને તેમને શુભેચ્છા પાઠવી છે અને તેની જીતના સમાચાર શેર કર્યા છે. 

શાહરૂખ ખાન સાથે ફિલ્મ 'રઈસ'માં કામ કરનાર પાકિસ્તાની અભિનેત્રી માહિરા ખાને ટ્વિટર પર લખ્યું, 'તમારા પર ખૂબ ગર્વ છે. તમે સ્પાર્કલિંગ ક્રેઝી સ્ટાર છો. જણાવી દઈએ કે અરુજને બેસ્ટ ન્યૂ આર્ટિસ્ટ કેટેગરીમાં નોમિનેટ કરવામાં આવ્યો હતો. ઓલિવિયા રોડ્રિગોએ આ એવોર્ડ જીત્યો છે. સમાચાર એજન્સી AFPએ આફતાબને ટાંકીને લખ્યું, 'હું ખૂબ જ ઉત્સાહિત છું.'