ઉત્તરાખંડમાં આજે બીજી મોટી દુર્ઘટના, જાનૈયાઓ ભરેલી બસ ખીણમાં ખાબકી
પૌડીના લાલધંગથી કારા તલ્લા જઈ રહેલી બારાતીઓથી ભરેલી બસ બેકાબૂ બની બિરોખલ નજીક ખીણમાં ખાબકી હતી. બસ એક લગ્ન પ્રસંગ પતાવીને આવી રહી હતી અને તેમાં 50 જાનૈયાઓ સવાર હતા. ઘટના બાદ પોલીસના કાફલો ઘટનાસ્થળે દોડી આવ્યો હતો. ગામલોકોએ પણ સ્થળ પર જ મૃતદેહોની શોધખોળ માટે વહીવટી તંત્ર સાથે મળીને પણ કામ શરુ કર્યું હતું. અંધારાને કારણે બચાવ કામગીરીમાં વહીવટી તંત્રને ભારે મુશ્કેલીનો સામનો કરવો પડી રહ્યો છે.
સ્ટેટ મેનેજમેન્ટ ડિઝાસ્ટર સેન્ટર પહોંચ્યાં સીએમ ધામી
ઘટનાની જાણકારી મળતા રાજ્યના મુખ્યમંત્રી ધામી સ્ટેટ મેનેજમેન્ટ ડિઝાસ્ટર સેન્ટર પહોંચ્યાં હતા અને ત્યાંથી રેસ્ક્યૂ ઓપરેશન પર નજર રાખી હતી.
ઉત્તરકાશીમાં બરફનું તોફાન, 10 ટ્રેકર્સના મોત
ઉત્તરાખંડના દ્રૌપદીના દંડા-2 પર્વત ભારે બરફવર્ષના થતા ઓછામાં ઓછા 10 ટ્રેકર્સના મોત થયા હતા. દ્રૌપદીના દંડા-2 પર હિમસ્ખલનમાં ફસાયેલા પર્વતારોહીને બચાવી લેવા માટે પ્રશાસન દ્વારા તાબડતોબ રેસ્ક્યૂ ઓપરેશન શરુ કરવામાં આવ્યું હતું જેમાં અત્યાર સુધી 8 લોકોને બચાવી લેવામાં આવ્યાં છે. કારણ કે હાલમાં સેનાનું રેસ્ક્યૂ અભિયાન ચાલી રહયું છે. સેનાએ આઈટીબીપી સાથે મળીને ફસાયેલા પર્વતારાહીનું રેસ્ક્યૂ ઓપરેશન શરુ કરવામાં આવ્યું છે. ઈન્ડીયન એરફોર્સ બરફમાં ફસાયેલા પર્વતારોહીને બચાવી લેવા માટે ચીતા હેલિકોપ્ટરને કામે લગાડ્યાં છે.