દિલ્હીમાં શ્રદ્ધા હત્યા કેસ જેવી વધુ એક ઘટના, પુત્રએ માતા સાથે મળી પિતાની કરી હત્યા અને પછી...

દિલ્હીમાં શ્રદ્ધા હત્યા કેસ જેવો વધુ એક હત્યાનો મામલો સામે આવ્યો છે. આ કેસના આરોપીઓ બીજું કોઈ નહીં પણ માતા-પુત્રની જોડી છે જેમણે હત્યાને અંજામ આપ્યો છે. આ કેસમાં ક્રાઈમ બ્રાન્ચે મહિલા અને તેના પુત્રની ધરપકડ કરી છે. કહેવામાં આવી રહ્યું છે કે, પુત્રએ માતા સાથે મળીને પિતાની હત્યા કરી અને પછી લાશના ટુકડા ક્યા અને બાદમાં તેને ફ્રિજમાં રાખ્યા હતા.

દેશની રાજધાની દિલ્હી શ્રદ્ધા મર્ડર કેસને લઇને છેલ્લા ઘણા દિવસોથી ચર્ચામાં છે. ત્યારે હવે વધુ એક આવો જ કિસ્સો પ્રકાશમાં આવ્યો છે. દિલ્હી પોલીસની ક્રાઈમ બ્રાન્ચે પૂર્વ દિલ્હીમાં મળી આવેલા માનવ શરીરના અંગોનો ભેદ ઉકેલ્યો છે. આ સાથે આ કેસમાં એક મહિલા અને તેના પુત્રની પણ ધરપકડ કરવામાં આવી છે. પાંડવ નગરના રહેવાસી અંજન દાસની આ વર્ષે જૂનમાં હત્યા કરવામાં આવી હતી, ત્યારબાદ તેના મૃતદેહના ટુકડા કરી ઘરના રેફ્રિજરેટરમાં રાખવામાં આવ્યા હતા. મહત્વનું છે કે, દિલ્હી પોલીસને શહેરના પૂર્વ ભાગમાં સમાન પ્રકારના ગુના તરફ ઈશારો કરતી કેટલીક કડીઓ મળી છે. શરીરના અંગોનું લોકેશન દર્શાવતા CCTV ફૂટેજ પણ સામે આવ્યા છે. મળતી માહિતી મુજબ મહિલાએ તેના પુત્ર સાથે મળીને તેના પતિની હત્યા કરી હતી. જૂનમાં, પોલીસને પાંડવ નગરમાં મૃતદેહના કેટલાક ટુકડા મળ્યા હતા, પરંતુ સડી ગયેલી અવસ્થાને કારણે તેમની ઓળખ થઈ શકી ન હતી.

શ્રધ્ધા મર્ડર કેસ સામે આવ્યા બાદ જૂનમાં મળેલી ડેડ બોડીને શ્રદ્ધા હત્યા કેસ સાથે કોઇ સંબંધ છે કે કેમ તેની તપાસ કરવામાં આવી હતી. તપાસમાં જાણવા મળ્યું કે જૂનમાં મળેલી લાશ પાંડવ નગરના રહેવાસી અંજન દાસની હતી. પોલીસે જણાવ્યું હતું કે આરોપી પૂનમ અને તેના પુત્ર દીપકે જૂનમાં અંજન દાસની ગેરકાયદેસર સંબંધને લઈને હત્યા કરી હતી. મહત્વનું છે કે, જ્યાં આરોપી પૂનમ અંજન દાસની પત્ની છે, ત્યાં દીપક સાવકો પુત્ર છે. બંને પર અંજનની હત્યાનો આરોપ છે. સૂત્રોની માનીએ તો અંજન દાસના અનેક મહિલાઓ સાથે ગેરકાયદેસર સંબંધો હતા. તેને નશાની ગોળીઓ સાથે દારૂ ભેળવવામાં આવ્યો હતો, ત્યારબાદ ચાકુ વડે શરીરના ટુકડા કરી અનેક જગ્યાએ ફેંકી દેવામાં આવ્યા હતા. મળતી માહિતી મુજબ, પૂનમે પણ ઘણા લગ્ન કર્યા હતા.

આ પણ વાંચો - લગ્નની લાલચ આપી બોયફ્રેન્ડે આચર્યુ દુષ્કર્મ, લગ્ન કરાવવાની લાલચ આપી બોયફ્રેન્ડના પિતાએ બે વાર બાંધ્યો શારીરીક સંબંધ