બોલિવૂડના આ સ્ટારે 'ના ના કરતા' તમાકુની કરી જાહેરાત, આ સ્ટાર્સે ઠુકરાવી છે ઓફર

બોલિવૂડના કલાકારોએ હવે ધીમે ધીમે તમાકુની જાહેરાત કરવાની શરૂઆત કરી છે. ટીવીમાં આવતા મુખ્ય પ્રોગ્રામો દરમિયાન ઘણીવાર તમે જોતા હશો કે તમારા ફેવરિટ સ્ટાર તમાકુની જાહેરાત કરતા જોવા મળે છે. તમાકુની જાહેરાતમાં હાલમાં સૌથી વધુ જો કોઇ જાહેરાત જોવા મળતી હોય તો તે વિમલની છે. જેમા સૌથી પહેલા અજય દેવગન માત્ર જોવા મળતો હતો. પરંતુ હવે બીજા બે બોલિવૂડ સ્ટાર આ જાહેરાતમાં સાથે જોવા મળ્યા છે. 

કહેવાય છે કે, જે તમે વિચારો છો તે જ તમારા વાણી વર્તનમાં પણ સ્પષ્ટપણે જોવા મળે છે. પરંતુ આ વખતે અમે તમને જે વ્યક્તિની વાત કરવા જઇ રહ્યા છીએ તેણે અગાઉ જે કહ્યું હતું તેનાથી વિપરીત આજે તેઓ કરી રહ્યા છે. અહીં વાત અમે અક્ષય કુમારની કરીએ છીએ જેણે અગાઉ તમાકુની જાહેરાત કરવાની જાહેર મંચ પરથી ના પાડી હતી. પરંતુ આજે અક્ષય કુમારે પોતાની જ વાતને ફગાવી દીધી છે. બોલો જુબાન કેસરી... જીહા, તમે વિમલ પાન મસાલાની જાહેરાત જોઈ જ હશે. સુપરસ્ટાર અજય દેવગન આ જાહેરાતનો હિસ્સો બન્યો અને તે પછી લોકોએ તેને સોશિયલ મીડિયા પર ખરાબ રીતે ટ્રોલ કર્યો. આ પછી આ લિસ્ટમાં કિંગ ખાન શાહરૂખ ખાનની એન્ટ્રી થઈ અને તેના ચાહકો સમજી શક્યા નહીં કે આવું કેમ કરવામાં આવ્યું છે. લોકોએ કહ્યું કે, લોકો સુપરસ્ટારને ફોલો કરે છે, પરંતુ હવે જે બન્યું છે તે તમને આઘાત પહોંચાડવા માટે પૂરતું છે. 

લોકપ્રિય તમાકુ બ્રાન્ડ વિમલની જાહેરાતોમાં અક્ષય કુમારનું નામ પણ સામેલ છે. આ બ્રાન્ડ સાથે અક્ષય કુમારનું નામ જોડાતા જ સોશિયલ મીડિયા યુઝર્સે તેને ટ્રોલ કરવાનું શરૂ કરી દીધું છે. એક તરફ જ્યાં અક્ષય લોકોને ફિલ્મ શરૂ થાય તે પહેલા થિયેટર્સમાં ધૂમ્રપાન ન કરવાની અને મહિલાઓ માટે સેનિટરી નેપ્કિન્સ ખરીદવાની સલાહ આપે છે, ત્યાં તેનો નવો પ્રોજેક્ટ લોકોના નિશાના પર આવી ગયો છે. અક્ષય કુમાર જેવો સ્ટાર વિમલ જેવી એડ સાથે જોડાય તે તેના ફેન્સને થોડું વિચિક્ષ લાગ્યું છે. જે ખેલાડી કુમાર તરીકે ફિલ્મ ઈન્ડસ્ટ્રીમાં ઓળખાય છે. જે હંમેશા લોકોને ફિટ રહેવાની સલાહ આપે છે, તે સ્ટાર આજે એક તમાકુની એડ કરતો જોવા મળી રહ્યો છે, જે ફેન્સ માટે આઘાટ પહોંચાડતા જ સમાચાર છે. આ જ કારણ છે કે, સોશિયલ મીડિયા પર એકથી વધુ મીમ વાયરલ થઈ રહ્યા છે. 

મહત્વનું છે કે, થોડા વર્ષો પહેલા તમાકુ ઉત્પાદનોના એન્ડોર્સમેન્ટ પર અક્ષયે કહ્યું હતું કે, જે ખોટું છે તે ખોટું છે. હું મારા સાથીદારોને પણ કહીશ કે આવા ઉત્પાદનોને સમર્થન ન આપો. હવે અક્ષયનો આ વિડીયો ઘણો શેર થઈ રહ્યો છે અને લોકો કહી રહ્યા છે કે અક્ષય પોતાની વાત ભૂલી ગયો લાગે છે.

ફિટનેસ ફ્રીક તરીકે લોકપ્રિય જોન અબ્રાહમે અનેક પ્રસંગોએ આલ્કોહોલ અને તમાકુની નિંદા કરી છે. આથી, જોન અબ્રાહમે તમાકુ અને આલ્કોહોલની વધુ ચૂકવણી કરતી જાહેરાતોનો ઇનકાર કર્યો હતો. તેમાં કોઈ શંકા નથી કે જોન અબ્રાહમ બોલિવૂડ ઈન્ડસ્ટ્રીની સૌથી હોટ મેલ સેલિબ્રિટીમાંથી એક છે. તે એવી વ્યક્તિ છે જે તેના શરીરની કાળજી રાખે છે અને તેના માટે તેણે વધુ પૈસા ખર્ચ્યા અને તેના શરીરના અંગનો વીમો કરાવ્યો છે.

કંગનાનો ફેરનેસ ક્રીમની જાહેરાત માટે સંપર્ક કરવામાં આવ્યો હતો. જાહેરાતોથી તેને મોટી રકમ મળવાની હતી. જોકે, તેણીએ કહ્યું કે ના, તેના મતે, તે કાળી ત્વચાવાળા લોકો માટે અનાદર કહેવાશે.

કરીનાએ ચિકન ઉત્પાદનોને પ્રમોટ કરવાની ઓફર ઠુકરાવી દીધી કારણ કે તે શાકાહારી છે અને તે માંસાહારી ખોરાકનો વિરોધ કરે છે.

આમિર ખાનને કંપનીની પ્રોડક્ટ્સની જાહેરાતો પસંદ નથી આવી રહી. આથી, તેણે અનેક જાહેરાતના સોદાનો ઇનકાર કર્યો હતો. જોકે, મિસ્ટર પરફેક્શનિસ્ટ સામાજિક જાગૃતિને પ્રોત્સાહન આપવામાં રસ ધરાવે છે.