બોલ્ડ અંદાજમાં પ્રેગ્નન્સીની જાહેરાત કરી, 43 વર્ષની ઉંમરે માતા બનશે આ અભિનેત્રી

બિપાશા બાસુ છેલ્લા કેટલાક સમયથી લાઈમલાઈટથી દૂર હતી. ઘણા સ્ટાર્સ સાથે તેનું નામ જોડાયા બાદ બિપાશા બાસુએ વર્ષ 2016માં કરણ સિંહ ગ્રોવર સાથે લગ્ન કર્યા હતા. બોલિવૂડ એક્ટ્રેસ બિપાશા બાસુએ સોશિયલ મીડિયા પોસ્ટ કરીને પોતાની પ્રેગ્નન્સીની જાહેરાત કરી છે. અભિનેત્રીએ પતિ કરણ સિંહ ગ્રોવર સાથેના તેના મેટરનિટી ફોટોશૂટની તસવીરો શેર કરી છે, જેમાં બિપાશા ખૂબ જ બોલ્ડ અંદાજમાં જોવા મળી રહી છે. આ તસવીરો પર લોકો તેને અભિનંદન આપી રહ્યા છે, પરંતુ તે બોલ્ડ તસવીરો માટે ઘણી ટ્રોલ પણ થઈ રહી છે. 

બિપાશા બાસુએ બેબી બમ્પને ફ્લોન્ટ કરતી તેની તસવીરો શેર કરી અને પોસ્ટના કેપ્શનમાં લખ્યું, 'એક નવો સમય, એક નવો તબક્કો, એક નવો પ્રકાશ આપણા જીવનમાં એક નવો શેડ ઉમેરી રહ્યો છે. જે આપણને પહેલાં કરતાં વધુ સંપૂર્ણ બનાવશે. અમે આ પ્રવાસ એકલાએ શરૂ કર્યો અને પછી અમે એકબીજાને મળ્યા અને ત્યારથી અમે એકથી બે થઈ ગયા. બે લોકો માટે આટલા પ્રેમથી રહેવું અમને થોડું અન્યાય લાગ્યું. તેથી ટૂંક સમયમાં, અમે બંને જે 2 હતા તે ત્રણ થઈ જઈશું.'

અભિનેત્રીએ લખ્યું, 'અમારા પ્રેમની નિશાની, અમારું બાળક ટૂંક સમયમાં અમારી દુનિયામાં જોડાશે. અમારા જીવનનો ભાગ બનવા બદલ આપ સૌનો આભાર. બિપાશાની આ તસવીરોને થોડી જ મિનિટોમાં ભારે લાઈક્સ મળી છે અને લોકો તેને  શેર કરી રહ્યા છે.

તમને જણાવી દઈએ કે બિપાશા બાસુ છેલ્લા કેટલાક સમયથી લાઈમલાઈટથી દૂર હતી. ઘણા સ્ટાર્સ સાથે નામ જોડાયા બાદ બિપાશા બાસુએ વર્ષ 2016માં કરણ સિંહ ગ્રોવર સાથે લગ્ન કર્યા અને હવે લગભગ 6 વર્ષ બાદ તેણે પોતાની પ્રેગ્નન્સીની જાહેરાત કરી છે. બિપાશા બાસુ 43 વર્ષની છે અને તે સોશિયલ મીડિયા દ્વારા સતત ફેન્સના સંપર્કમાં રહે છે.