નવ દિવસના આઈસોલેશન બાદ અમિતાભ બચ્ચને કોરોનાને આપી મ્હાત, કહી આ વાત

અમિતાભ બચ્ચન સોશિયલ મીડિયામાં એક્ટિવ રહે છે અને તેમના ચાહકોને ઘણી બધી વાતો પણ શેર કરે છે. આઈસોલેશન દરમિયાન તેમણે સોશિયલ મીડિયા પ્લેટફોર્મના માધ્યમથી અનેક ખુલાસા કર્યાં હતા. તેમણે બ્લોગના માધ્યમથી પોતાના ફેન્સને જણાવ્યું કે, કોરોના બાદ તેમની જીવનમાં કેવા પ્રકારના ફેરફાર આવ્યા છે અને તેઓ દિવસભર શું કરતા? અમિતાભ બચ્ચને બ્લોગમાં લખ્યું કે, કોરોનાના કારણે હું મારુ બધુ જ કામ જાતે કરું છું. સુવા માટેનો બેડ સરખો કરવો, કપડા જાતે ધોઈ રહ્યો છું. રૂમ અને ટોઈલેટ પણ સાફ કરું છું. ચા-કોફી જાતે જ બનાવું છું. નર્સિંગ સ્ટાફ વિના મારી દવા જાતે લઉં છું. હું બધા જ કોલ્સનો જવાબ જાતે જ આપું છું. આવી રીતે જ આજકાલ મારા દિવસો પસાર કરી રહ્યો છું.