પહેલગામ હુમલા બાદ અમેરિકાનું ભારતને સંપૂર્ણ સમર્થન

Pahalgam Terror Attack : જમ્મુ-કાશ્મીરના પહેલગામમાં 22 એપ્રિલ, 2025ના રોજ થયેલા આતંકવાદી હુમલા બાદ અમેરિકાએ આતંકવાદ સામેની લડાઈમાં ભારતને પૂર્ણ સહયોગ આપવાનો પુનરોચ્ચાર કર્યો છે. FBI ડિરેક્ટર કાશ પટેલે આ હુમલાની તીવ્ર નિંદા કરી, તેને વિશ્વ સામે આતંકવાદના દુષ્ટ સ્વરૂપની યાદ અપાવનારી ઘટના ગણાવી. તેમણે X પર પોસ્ટ કરીને હુમલાના પીડિતો અને તેમના પરિવારજનો પ્રત્યે ઊંડી સંવેદના વ્યક્ત કરી અને ભારત સરકારને અમેરિકાનું સંપૂર્ણ સમર્થન ચાલુ રાખવાની પ્રતિબદ્ધતા દોહરાવી. પટેલે સુરક્ષા દળોના જવાનોની પ્રશંસા કરી, જેઓ આવા સંકટ સમયે નિર્ણાયક ભૂમિકા ભજવે છે, અને ઉમેર્યું કે આ હુમલો વૈશ્વિક સ્તરે આતંકવાદના સતત ખતરાને ઉજાગર કરે છે.