અલ્લુ અર્જુને પુષ્પા 2 માટે આટલું વજન વધાર્યું! લોકો બોલ્યાં- વડાપાવ બની ગયો છે !

અલ્લુ અર્જુને પુષ્પા ધ રૂલ માટે પોતાનું વજન ખૂબ વધાર્યું છે. અલ્લુ અર્જુનની ફિલ્મ પુષ્પા ધ રૂલના લુકની આ તસવીરો જોઈને ફેન્સ ખૂબ જ ઉત્સાહિત જોવા મળ્યા હતાં. અલ્લુ અર્જુનની ફિલ્મ પુષ્પા ધ રાઇઝની બ્લોકબસ્ટર હિટ બાદ હવે ચાહકો તેના આગામી ભાગ પુષ્પા ધ રૂલની આતુરતાથી રાહ જોઈ રહ્યા છે. ફિલ્મનું શૂટિંગ પણ શરૂ થઈ ગયું છે અને અલ્લુ અર્જુન તેના માટે ખૂબ મહેનત કરી રહ્યો છે. અલ્લુ અર્જુન તાજેતરમાં પુષ્પા લુકમાં વધેલા વાળ અને દાઢી સાથે જોવા મળ્યો હતો. જો કે, અહીં નોંધનીય બાબત એ છે કે તેનું વજન ઘણું વધી ગયું હોય તેવું દેખાય છે.

એક રિપોર્ટ અનુસાર અલ્લુ અર્જુને પુષ્પા ધ રૂલ માટે પોતાનું વજન ખૂબ વધાર્યું છે. અલ્લુ અર્જુનની ફિલ્મ પુષ્પા ધ રૂલ લુકની આ તસવીરો જોઈને ચાહકો ખૂબ આશ્ચર્યચકિત છે અને સોશિયલ મીડિયા પર અનુમાન લગાવે છે કે ફિલ્મની વાર્તામાં શું વળાંક આવશે, અને શા કારણે અલ્લુ અર્જુને પોતાનું વજન આટલું વધારી દીધું છે. 

જ્યારે અસંખ્ય ચાહકો અલ્લુ અર્જુનના વખાણ કરતા જોવા મળ્યા હતા, ત્યારે ટ્રોલ્સે અલ્લુ અર્જુનને ઘેરવાની તક ગુમાવી ન હતી. અલ્લુ અર્જુનના ઘણા પ્રશંસકો પણ તેને ફેટ શેમિંગ કરતા જોવા મળ્યા હતા અને તેણે આ તસવીરો પર  ઘણી ટિપ્પણીઓ કરી હતી. એક યુઝરે કમેન્ટ કરી, 'વડાપાવ લુક'. તે જ સમયે અન્ય એક યુઝરે લખ્યું, 'લસિત મલિંગા, તમને ઘણા સમય પછી જોયા. 

એક યુઝરે કોમેન્ટ બોક્સમાં લખ્યું, 'દિવસે દિવસે તમે વધુને વધુ ઘરડાં થઈ રહ્યા છો.' એક ટ્રોલે કમેન્ટ સેક્શનમાં લખ્યું છે કે, 'તે એક સ્ટ્રીટ ચોર જેવો દેખાય છે. શા માટે દક્ષિણના લોકો આવા હીરો માટે પાગલ છે? કેટલાકે અલ્લુને જાડો ભાઈ કહ્યો છે તો કેટલાકે તેને રિયલ સ્ટાર કહ્યો છે. જોકે, પુષ્પા ધ રૂલની વાર્તા કયો વળાંક લેશે તે તો સમય જ કહેશે.