ઐશ્વર્યા રાય બચ્ચનનો કાન્સ 2022 માટે પહેલો પોઝ, આરાધ્યા બચ્ચને સૌનું ધ્યાન ખેચ્યું

ઐશ્વર્યા રાય બચ્ચન મંગળવારે વહેલી સવારે કાન્સ ફિલ્મ ફેસ્ટિવલ માટે રવાના થઈ ગઈ છે. તેનો એરપોર્ટનો વીડિયો સોશિયલ મીડિયા પર વાયરલ થયો છે. તેના પર લોકો દ્વારા અલગ-અલગ પ્રકારની કમેન્ટ કરી રહ્યાં છે. કાન્સ 2022નો ઉત્સાહ સોશિયલ મીડિયા પર હવે પર દેખાવા લાગ્યો છે. દીપિકા પાદુકોણ આ વખતે જ્યુરી મેમ્બર છે. સાથેજ ઐશ્વર્યા રાય પણ પુત્રી આરાધ્યા અને પતિ અભિષેક બચ્ચન સાથે ફેસ્ટિવલ માટે નીકળી ગઈ છે. એરપોર્ટ પર પાપારાઝીના કેમેરામાં ઐશ્વર્યા દેખાઇ હતી. તેણે હંમેશની જેમ બ્લેક આઉટફિટ પહેર્યું હતું. તો દીકરી આરાધ્યાએ  ફરી એકવાર બધાનું ધ્યાન ખેંચ્યું. આરાધ્યાએ હસીને પાપારાઝી માટે પોઝ આપ્યો. લોકો આરાધ્યા વિશે ઘણી રીતે કમેન્ટ કરી રહ્યા છે કે તે ઘણી મોટી થઈ ગઈ છે. ઘણા લોકોએ લખ્યું છે કે હવે તેની હેરસ્ટાઇલ બદલવી જોઈએ .

ઐશ્વર્યા રાયની એરપોર્ટ આઉટિંગ્સ મોટાભાગે તેની પુત્રી અને પતિ સાથે હોય છે. સોશિયલ મીડિયા પર તસવીરો, વીડિયો વાયરલ થતાં જ લોકો તેના પર પોતાની પ્રતિક્રિયા આપી રહ્યાં છે. આ વીડિયોમાં ઐશ્વર્યા તેના પરિવાર સાથે પોઝ આપતી જોવા મળી રહી છે. આરાધ્યાએ પણ હસતાં હસતાં પોઝ આપ્યો હતો. સોશિયલ મીડિયા યુઝર્સ આ અંગે કમેન્ટ કરી રહ્યા છે. ઘણા લોકોને આશ્ચર્ય થાય છે કે આરાધ્યા આટલી મોટી થઈ ગઈ છે. તે જ સમયે, મોટાભાગના લોકો કહી રહ્યા છે કે હવે આરાધ્યાની હેરસ્ટાઇલ બદલવી જોઈએ.

એક યુઝરે લખ્યું છે કે, પ્લીઝ આરાધ્યાની હેરસ્ટાઈલ બદલો, તે મોટી થઈ ગઈ છે, બાળક નથી. આના પર એક યુઝરે આરાધ્યાના બચાવમાં લખ્યું છે કે તેની હેરસ્ટાઈલમાં શું ખોટું છે. ઘણાં લોકો આવી હેરસ્ટાઇલ રાખે છે. એક યુઝરે કમેન્ટ કરી છે કે, તે અભિષેક સરની ફીમેલ વર્ઝન દેખાય છે. લોકોએ એશના લુકના વખાણ પણ કર્યા છે. કાન્સ ફેસ્ટિવલ 17 થી 28 સુધી ચાલશે.

કાન્સ ફિલ્મ ફેસ્ટિવલ 17 થી 28 મે સુધી ચાલશે. આ વખતે દીપિકા પાદુકોણ અને ઐશ્વર્યા રાય સિવાય અદિતિ રાવ હૈદરી, હિના ખાન, પૂજા હેગડે, નયનતારા, હેલી શાહ, તમન્ના ભાટિયાના જવાના સમાચાર છે. આ વખતે દીપિકા પાદુકોણ કાન્સ 2022ની જ્યુરી મેમ્બર છે.