એર ઈન્ડિયા એક્સપ્રેસ ફ્લાઈટનું કરાયું ઈમરજન્સી લેન્ડિંગ, જુઓ આ video

પ્લેનમાં ધુમાડો આવવાના કારણની તપાસ કરવામાં આવી રહી છે. ફ્લાઈટ પહેલા ધુમાડો નીકળવાને કારણે મુસાફરોને બહાર કાઢવામાં આવ્યા હતા. મુસાફરો માટે અન્ય એરક્રાફ્ટની વ્યવસ્થા કરવામાં આવી રહી છે. આ પહેલા 25 ઓગસ્ટે સિડનીથી દિલ્હી જતી એર ઈન્ડિયાની ફ્લાઈટનું કોલકાતામાં ઈમરજન્સી લેન્ડિંગ કરવું પડ્યું હતું. જો કે, 50 વર્ષીય પેસેન્જરને શ્વાસ લેવામાં તકલીફ પડતાં આ ઈમરજન્સી લેન્ડિંગ કરવામાં આવ્યું હતું. અધિકારીઓએ જણાવ્યું હતું કે મુસાફરોને સુરક્ષિત રીતે બહાર કાઢવા માટે સ્લાઇડ્સનો ઉપયોગ કરવામાં આવ્યો હતો. મુસાફરો ઈમરજન્સી સ્લાઈડ દ્વારા પ્લેનમાંથી બહાર નીકળ્યા હતા.

ડીજીસીએએ જણાવ્યું હતું કે એન્જિનમાં ધુમાડો જોવા મળ્યા બાદ તમામ મુસાફરોને સલામત રીતે બહાર કાઢવામાં આવ્યા હતા. એર ઈન્ડિયા એક્સપ્રેસ ફ્લાઈટ મસ્કતથી કોચીન જઈ રહી હતી. હવે તમામ મુસાફરો માટે બીજી ફ્લાઈટની વ્યવસ્થા કરવામાં આવી રહી છે. તેમણે કહ્યું કે હવે આ ઘટનાની તપાસ કરવામાં આવશે અને આ મામલે યોગ્ય કાર્યવાહી કરવામાં આવશે. 

આ ક્ષમતા વધારવા માટે એર ઈન્ડિયાએ આગલા દિવસે મહત્વની જાહેરાત કરી હતી. એર ઈન્ડિયા તેની હાલની ફ્લીટમાં 25 નેરો બોડી એરબસ અને 5 બોઈંગ વાઈડ બોડી એરક્રાફ્ટ ઉમેરવાની યોજના ધરાવે છે. તેનાથી એર ઈન્ડિયાના કાફલામાં 25 ટકાથી વધુનો વધારો થશે.