ટીવી સ્ટાર દિપેશ ભાણના મોત બાદ હવે પત્નીના માથે લાખોની હોમ લોન!

ટીવી શો 'ભાભીજી ઘર પર હૈ'ના આર્ટિસ્ટ  દીપેશ ભાણનું તાજેતરમાં આકસ્મિક નિધન થયું છે. તેના આક્સ્મિક નિધન બાદ હવે તેની પત્નીના માથે હોમ લોન છે તે ચુકવણીનો બોજ આવી પડ્યો છે. 

ટીવી શો ભાબી જી ઘર પર હૈમાં ગોરી મેમનું પાત્ર ભજવનાર અભિનેત્રી સૌમ્યા ટંડન મૃત્યુના 5 કલાકમાં જ દીપેશ ભાણના ઘરે પહોંચી ગઈ હતી. તેણે સાથી કલાકારની પરિવારની દયનીય આપવીતી જણાવી હતી. સૌમ્યા ટંડને દીપેશ ભાણના ઘરની પરિસ્થિતિ વર્ણવતા ટંડને જણાવ્યું કે દિપેશના મૃતદેહને તેમના ભાઈના આગમનની રાહ જોઈને રાખવામાં આવ્યો હતો અને તે દૃશ્ય તેના મગજમાંથી ક્યારેય નહીં જાય.

ભાભી જી ઘર પર હૈ સિરિયલમાં મલખાનની ભૂમિકા ભજવનાર અભિનેતાદીપેશ ભાણની પત્ની અને તેના પુત્રની હાલત ખરાબ છે. દિપેશના લગ્ન ત્રણ વર્ષ પહેલા થયા હતા અને તેનો પુત્ર માત્ર 18 મહિનાનો છે. સૌમ્યા ટંડને દીપેશ ભાણના  પરિવારની આપવીતી સંભળાવતા કહ્યું, 'હું ખરાબ રીતે હચમચી ગઈ છું. આ ક્ષણે પત્ની અને પુત્રની વેદના કાળજું કંપાવી દેનારી છે. હું ભગવાનને પ્રાર્થના કરીશ કે તે તેની પત્ની અને પુત્રને આ પરિસ્થિતિઓમાંથી બહાર નીકળવા માટે હિંમત આપે. સૌમ્યા ટંડને દીપેશને સૌથી કાઇન્ડ અને ખુશ વ્યક્તિ ગણાવ્યો હતો. તેણે કહ્યું કે તે માણસ ખરેખર હીરો હતો. આપને જણાવી દઈએ કે શોમાં વિભૂતિ નારાયણનું પાત્ર ભજવનાર અભિનેતા આસિફ શેખે પણ દિપેશ ભાણની પ્રશંસા કરતા કહ્યું છે કે તે ખરાબ આદતોથી દૂર હતો અને એક પારિવારિક માણસ હતો.

દિપેશ ભાણના લગ્ન વર્ષ 2018માં થયા હતા. દિપેશ ભાનની પત્ની આ ઈન્ડસ્ટ્રીનો હિસ્સો નથી. અત્યારે તેમના જીવનનો સૌથી મોટો પડકાર એ છે કે દિપેશ ભાણના નિધન સાથે, તેમની પત્નીના માથે હવે હોમ લોન છે, જે તેમણે ચૂકવવા વિશે વિચારવું પડશે. કારણ કે દિપેશ ભાણની પત્ની કામ કરતી નથી અને તે ઘરે રહીને પોતાના પુત્રની સંભાળ રાખતી હતી. દિપેશ ભાણનું નિધન તેમના પરિવાર, શુભેચ્છકો અને ચાહકો માટે મોટો આઘાત હતો.

આ પણ વાંચો - 'ભાભીજી ઘર પર હૈ' ના લોકપ્રિય અભિનેતા દીપેશ ભાનનું થયું નિધન