'પુષ્પા' પછી ડેવિડ વોર્નરે વરુણ ધવનના ગીત પર કર્યો ધમાકેદાર ડાન્સ, જુઓ વિડીયો

ઓસ્ટ્રેલિયન ક્રિકેટ સ્ટાર ડેવિડ વોર્નર અવારનવાર બોલિવૂડ અને સાઉથની ફિલ્મોના ગીતો-ડાયલોગના વિડીયો શેર કરે છે. આ વખતે તેણે વરુણ ધવનના ગીત પર તેની બંને દીકરીઓ સાથે ડાન્સ કર્યો છે.વરુણ ધવનની ફિલ્મ 'જુગ જુગ જિયો'નું ગીત 'નચ પંજાબન' સુપરહિટ થયું હતું. બધા આ ગીતના હૂક સ્ટેપ કરતા જોવા મળ્યા હતા. તે જ સમયે, તેની રીલ્સ સોશિયલ મીડિયા પર ધૂમ માચાવી રહ્યી છે. બોલિવૂડના ઘણા મોટા સ્ટાર્સે 'નચ પંજાબન' ગીત પર ડાન્સ કર્યો હતો. હવે ઓસ્ટ્રેલિયન ક્રિકેટ ટીમના સ્ટાર બેટ્સમેન ડેવિડ વોર્નરે આ ગીત પર એક વિડીયો શેર કર્યો છે. ડેવિડ વોર્નર મોટાભાગે બોલિવૂડ અને સાઉથની ફિલ્મોના ગીતો અને ડાયલોગ્સ પર વિડીયો બનાવે છે. તેના લેટેસ્ટ વિડીયોમાં તેની દીકરીઓ પણ ધમાકેદાર પર્ફોમ કરે છે. 

વિડીયોમાં જોઇ શકાય છે કે ડેવિડ વોર્નર  વચ્ચે ઊભો છે. તેની બંને દીકરીઓ તેની બંને બાજુ ઉભી છે. 'નચ પંજાબન' ગીતનું ટીવી સ્ક્રીન પણ તેમની પાછળ દેખાય છે. 'નચ પંજાબન' પર ડાન્સ કરતો ડેવિડ વોર્નર. તેણે આ વિડીયો સાથે લખ્યું, ' વી આર બેક.' તેણે વરુણ ધવનને પણ ટેગ કર્યો છે. તેણે #whatstep #socoolfamily #fun હેશટેગ લખ્યું. 

તેના વિડીયોપર એક યુઝર મજેદાર કમેન્ટ કરતાં લખ્યું, 'ઓહ ક્યુટીઝ.' બીજાએ કહ્યું, 'લાજવાબ.' એક યુઝરે કોમેન્ટ કરી, 'લવ ફ્રોમ ઈન્ડિયા.' અન્ય યુઝર્સે લખ્યું, 'ડેવિડ ભાઈ તમે ખૂબ સુંદર લાગી  રહ્યા છો.'

ડેવિડ વોર્નરે આ પહેલા ફિલ્મ 'પુષ્પા'ના ગીત અને ડાયલોગ્સ પર એક વિડીયો શેર કર્યો હતો. જેમાં તેમની બંને દીકરીઓ પણ 'સામી-સામી' પર ડાન્સ કરતી જોવા મળી હતી. આટલું જ નહીં વોર્નર IPLમેચ દરમિયાન અલ્લુ અર્જુનનું હૂક સ્ટેપ કરતો પણ જોવા મળ્યો હતો. તેનો આ તમામ વીડિયો સોશિયલ મીડિયા પર વાયરલ થયા હતા.