નટુકાકા બાદ હવે આ કિરદારની થશે શૉમાં એન્ટ્રી

તારક મેહતા કા ઉલ્ટા ચશ્મામાં હાલમાં જ નટુકાકાની એન્ટ્રી થઇ છે. ઘનશ્યામ નાયકના નિધન બાદથી જ આ અભિનય કરતું કોઈ પાત્ર જોવા મળ્યું નથી. હવે શૉમાં પડતી અસરને જોતા મેકર્સે ઘનશ્યામ નાયકનું રિપ્લેસમેન્ટ શોધી કાઢ્યું છે. અને તેની શૉમાં એન્ટ્રી પણ થઇ ગઇ છે. 

હાલમાં જ આ શૉનો નવો પ્રોમો સામે આવ્યો છે, જેને જોઈને અનુમાન લગાવવામાં આવી રહ્યું છે કે, ટૂંક સમયમાં કોઈ બીજું આવવાનું છે, જેને જોઈને ગોકુલધામના લોકોના હોશ ઉડી જશે. લેટેસ્ટ પ્રોમોમાં જોવા મળી રહ્યું છે કે, ક્લબ હાઉસની બહાર કોઈ સૂઈ રહ્યું છે, ગોકુલધામના લોકો તેને જોઈને ચોંકી જાય છે, પરંતુ તે કોણ છે તે જાણી શકાયું નથી. ત્યારે આવામાં તે સ્પષ્ટ છે કે કેટલાક અથવા અન્ય નિર્માતાઓ દર્શકો માટે સરપ્રાઈઝ લાવી રહ્યા છે. પણ એ સરપ્રાઈઝ આખરે છે શું એ તો આવનારા સમયમાં જ ખબર પડશે.

સૌથી પહેલાં તો જે નામ દરેકના મોઢે છે તે છે દયાબેન. દિશા વાકાણીનો શૉમાં આતુરતાથી રાહ જોવાઇ રહી છે. જોકે, તેની વાપસીના ચાન્સ હાલમાં ઓછા છે. ત્યારે  બધાને આશા  છે કે, હવે કોઇ નવો ચહેરો આપવામાં આવે. હવે તે કોણ હશે તે તો આજ કાલના એપિસોડમાં જ તમને જોવા મળશે. આ ઉપરાંત શૉમાં મેહતા સાહેબનું પાત્ર ભજવી રહેલાં શૈલેશ લોઢાએ પણ શૉ છોડી દીધો હોવાની વાત છે. ત્યારે આ તમામ પાત્રોની જગ્યા કોણ ભરે છે અને જો તે જગ્યા ભરાઇ જાય છે તો તે અગાઉ ભજવી ચુકેલા અભિનેતા/અભિનેત્રીના પાત્રને ન્યાય આપી શકે છે તે હવે જોવાનું રહ્યું.