કોહલી બાદ રોહિતના પણ સ્ટેડિયમની બહાર લાગ્યા મોટા હોર્ડિંગ્સ, લોકો જોતા જ રહી ગયા

ભારતીય ટીમ દક્ષિણ આફ્રિકા (South Africa) સામેની ત્રણ મેચની T20 શ્રેણીની પ્રથમ મેચ માટે તિરુવનંતપુરમ    (Thiruvanantha puram)પહોંચી ગઈ છે. આ મેચ અહીંના ગ્રીન ફિલ્ડ (Green Field)સ્ટેડિયમમાં રમાશે, જેમાં બંને ટીમો જીતીને સિરીઝમાં લીડ લેવા ઈચ્છશે. જ્યારે ટીમ ઈન્ડિયાનો કેપ્ટન રોહિત શર્મા બુધવારે આ મેચ માટે પહોંચશે ત્યારે તેના માટે એક ખાસ ગિફ્ટની રાહ જોવાઈ રહી છે. આ ગિફ્ટ રોહિતને સ્ટેડિયમની બહાર દૂરથી જ દેખાશે.

ખરેખર, સ્ટેડિયમની બહાર રોહિતનું મોટું હોર્ડિંગ લગાવવામાં આવ્યું છે. આ હોર્ડિંગમાં રોહિત ખભા પર બેટ લઈને ઉભો છે.ટીમ ઈન્ડિયાના કેપ્ટનનું આ હોર્ડિંગ એટલું મોટું છે કે લોકો તેને દૂરથી જોઈ અને ઓળખી શકે છે. રોહિતના આ હોર્ડિંગનો ફોટો સોશિયલ મીડિયા પર ખૂબ વાયરલ થઈ રહ્યો છે.

ગ્રીનફિલ્ડ સ્ટેડિયમની બહાર માત્ર રોહિત જ નહીં પરંતુ વિરાટ કોહલીનું હોર્ડિંગ પણ તેની સામે લગાવવામાં આવ્યું છે. આ હોર્ડિંગ પણ રોહિતના હોર્ડિંગ જેટલું જ મોટું લાગે છે. ગ્રીનફિલ્ડ સ્ટેડિયમના આગળના ગેટની બહાર કોહલીનું હોર્ડિંગ લગાવવામાં આવ્યું છે. તેના હોર્ડિંગનો ફોટો પણ જોરદાર વાયરલ થઈ રહ્યો છે. કોહલીનો વધુ એક ફોટો વાયરલ થઈ રહ્યો છે. કોહલીનું પોસ્ટર ઓસ્ટ્રેલિયાના મેલબોર્નમાં પણ લગાવવામાં આવ્યું છે. આ શહેરમાં એક જગ્યાએ અંગ્રેજીમાં મેલબોર્ન લખેલું છે અને M અક્ષર પર કોહલીનું ચિત્ર છે.

રોહિતની બેટિંગ તાજેતરના સમયમાં ટીમ ઈન્ડિયા માટે ચિંતાનો વિષય છે. તે પોતાના પ્રદર્શનમાં સાતત્ય દર્શાવી શક્યો નથી. એશિયા કપમાં તેણે શ્રીલંકા સામે અડધી સદી ફટકારી હતી અને તાજેતરમાં ઓસ્ટ્રેલિયા સામેની બીજી ટી20 મેચમાં અણનમ 46 રન બનાવ્યા હતા. પરંતુ આ બે ઇનિંગ્સ સિવાય છેલ્લી 10 ઇનિંગ્સમાં આ અનુભવી બેટ્સમેન સંઘર્ષ કરતો જોવા મળ્યો છે.

રોહિત શરૂઆતથી જ આક્રમકતા દર્શાવવાને કારણે T20માં પોતાની વિકેટ ગુમાવી રહ્યો છે. ટીમના કોચ રાહુલ દ્રવિડે કહ્યું હતું કે T20માં તેની રણનીતિ શરૂઆતથી જ આક્રમક અભિગમ સાથે રમવાની રહેશે. આ પ્રયાસમાં રોહિતે તેની વિકેટ ગુમાવી.