એક્ટર ઈશાન ખટ્ટર ટૂંક સમયમાં ફિલ્મ પિપ્પામાં જોવા મળશે

અભિનેતા ઈશાન ખટ્ટર ટૂંક સમયમાં ફિલ્મ પિપ્પામાં જોવા મળશે. હાલમાં જ તેણે આ ફિલ્મનું શૂટિંગ પૂર્ણ કર્યું છે. આ યુદ્ધ આધારિત ફિલ્મ અંગે સોમવારે તેણે જણાવ્યું કે ફિલ્મનું શૂટિંગ પૂર્ણ થઈ ગયું છે. પીપ્પા એ એક યુદ્ધ ફિલ્મ છે જે 45મી કેવેલરી ટેન્ક સ્ક્વોડ્રનના અનુભવી બ્રિગેડિયર બલરામ સિંહ મહેતાની બહાદુરી દર્શાવશે. આ ફિલ્મમાં બતાવવામાં આવશે કે કેવી રીતે બ્રિગેડિયર અને તેમના ભાઈઓ 1971ના યુદ્ધ દરમિયાન ઈસ્ટર્ન ફ્રન્ટ પર લડ્યા હતા.

આ ફિલ્મમાં મુખ્ય ભૂમિકા ભજવનાર ઈશાન ખટ્ટરે તેના ઈન્સ્ટાગ્રામ એકાઉન્ટ પર ફિલ્મનું શૂટિંગ પૂર્ણ થયાની માહિતી આપી છે. આ ફિલ્મની પોતાની એક તસવીર શેર કરતાં અભિનેતાએ લખ્યું, 'આ ફિલ્મના અનુભવ માટે કૃતજ્ઞતાની લાગણી અનુભવું છું. આવી શાનદાર ટીમ સાથે કામ કરવાનું હંમેશા મારું સપનું હતું. હું તમારી દયા અને પ્રેમથી અભિભૂત છું. તમારા આ કેપ્ટન બલરામ સિંહ મહેતા હવે પીપ્પાને અલવિદા કહી રહ્યા છે. પિપ્પા ફિલ્મ બ્રિગેડિયર મહેતાના પુસ્તક 'ધ બર્નિંગ ચાફીઝ' પર આધારિત છે. તેનું શીર્ષક રશિયન યુદ્ધ ટેન્ક PT-76 પરથી લેવામાં આવ્યું છે જેને 'પિપા' તરીકે પણ ઓળખવામાં આવે છે.

ફિલ્મનું સંગીત એઆર રહેમાને આપ્યું 

RSVP અને રોય કપૂર ફિલ્મ્સ દ્વારા નિર્મિત, 'પિપ્પા'માં અભિનેત્રીઓ મૃણાલ ઠાકુર, પ્રિયાંશુ પૈન્યુલી અને સોની રાઝદાન પણ છે. આ ફિલ્મ આ વર્ષે 9 ડિસેમ્બરે સિનેમાઘરોમાં આવશે. આ ફિલ્મનું નિર્દેશન રાજ કૃષ્ણ મેનન કરી રહ્યા છે. અગાઉ તેઓ એરલિફ્ટ જેવી સફળ ફિલ્મો કરી ચૂક્યા છે. અક્ષય કુમાર સ્ટારર આ ફિલ્મ બોક્સ ઓફિસ પર સુપરહિટ સાબિત થઈ હતી.વર્કફ્રન્ટની વાત કરીએ તો ઈશાન છેલ્લે ફિલ્મ ખાલી પીલીમાં જોવા મળ્યો હતો. આ ફિલ્મ બોક્સ ઓફિસ પર કંઈ ખાસ જાદૂ બતાવી શકી નથી. આ ફિલ્મમાં તેની  સામે અનન્યા પાંડે જોવા મળી હતી. આ ફિલ્મમાં તેના સિવાય કેટરીના કૈફ અને સિદ્ધાંત ચતુર્વેદી પણ જોવા મળશે.