પાણી ન આપવા જેવી નજીવી બાબતે સિક્યુરિટી ગાર્ડની પાવડાના ઘા મારીને હત્યા

વસ્ત્રાપુર લેક પાસે આવેલા પેમેન્ટ પાર્કમાં સિક્યુરિટી ગાર્ડ તરીકે ફરજ બજાવતા એક વ્યક્તિની પાણી ન આપવા જેવી નજીવી બાબતે પાવડાના ઘા મારીને હત્યા કરી નાખવામાં આવી. આ ગુનામાં  ઝોન-1 એલસીબી સ્ક્વોડ આરોપીની વસ્ત્રાપુર વિસ્તારમાંથી ધરપકડ કરી લેવામાં આવી  છે. 

પાણી નહીં આપતા એક સિક્યોરિટી ગાર્ડની કરપીણ હત્યા નીપજાવનાર આરોપી રામ જતન મોહિયા નામના વ્યક્તિની ઝોન-1 એલસીબી સ્ક્વોડ દ્વારા ધરપકડ કરી લેવામાં આવી છે,આરોપી દ્વારા સિક્યુરિટી ગાર્ડને પાવડાના ઘા મારતા હોવાના સીસીટીવી ફૂટેજ પણ સામે આવી ચુક્યા હતા જેમાં સ્પષ્ટપણે દેખાઈ આવે છે કે એક શખસ આવીને સિક્યોરિટી ગાર્ડને પાવડા જેવા સાધન વડે ઘા મારી રહ્યો છે...

મહત્વનુ છે કે આરોપી હત્યાની ઘટનાને અંજામ આપ્યા બાદ પોતે જે પીઝા શોપમાં નોકરી કરતો હતો ત્યાં નોકરી માટે જતો રહ્યો હતો, વધુમાં છેલ્લા એક અઠવાડિયા થીજ મૃતક વ્યક્તિ સિક્યુરિટી ગાર્ડ તરીકે નોકરી માટે આવ્યો હતો અને એક સામાન્ય પાણી નહીં આપવા જેવી બાબતમાં આરોપીએ સિક્યોરિટી ગાર્ડને મોતને ઘાટ ઉતારી દીધો હતો...

આરોપી મૂળ નેપાળનો વતની અને અમદાવાદ શહેરમાં એક પીઝા શોપમાં નોકરી કરતો હતો રાત્રિના સમયે વસ્ત્રાપુર લેક પાસે આવેલા એમ્યુઝમેન્ટ પાર્કમાં સિક્યુરિટી ગાર્ડ તરીકે ફરજ બજાવતા એક વ્યક્તિ પાસે તેણે પીવા માટેનું પાણી માંગ્યું હતું અને સિક્યુરિટી ગાર્ડે તેને પાણી નહીં આપતા આવેશમાં આવીને સિક્યુરિટી ગાર્ડને મોતને ઘાટ ઉતારી દીધો હતો 

શરૂઆતમાં મૃતકના પરિવારજનોએ સીસીટીવી ફૂટેજ જોયા ત્યારે આરોપી તેમનો પરિચિત હોવાનું પોલીસને જણાવ્યું હતું પરંતુ ઝોન-1 એલસીબી સ્કોવડે સમગ્ર દેશની ઝીણવટ પૂર્વક તપાસ કરતા સામે આવ્યું હતું કે આરોપી મૃતકના કોઈ પરિચયમાં નથી બાદમાં તપાસ કરતા સામે આવ્યું હતું કે આરોપી એક પીઝા શોપમાં નોકરી કરતો હતો અને તેણે જ આ ગુનો આચર્યો હોવાની વાત પોલીસને માલુમ પડી હતી જેથી આરોપી ની ધરપકડ કરીને આગળની કાર્યવાહી હાથ ધરવામાં આવી છે. 

આ પણ વાંચોઃ  ભરૂચમાં એક તરફી પ્રેમમાં પાગલ યુવકની કરતૂત, મહિલા સહકર્મી સાથે અડપલાનો પ્રયાસ