કચ્છ સરહદે હરામીનાળા પાસે ફરી એક વાર પાકિસ્તાની બોટ ઝડપાઇ

 BSF ભુજ દ્વારા કચ્છની દરિયાઇ સીમા પર હરામીનાળા પાસેથી ફરી એક વાર પાકિસ્તાની બોટને ઝડપી લેવાઇ છે. જો કે બોટની તલાશી લેતા માછીમારીના સાધનો સિવાય કંઇ પણ શંકાસ્પદ મળી આવ્યું ન હતું. 

બુધવારે સવારે હરામી નાળા વિસ્તારમાં બોર્ડર પિલર 1158 નજીક પેટ્રોલિંગ કરી રહેલી BSF ભુજની ટીમને એક પાકિસ્તાની માછીમારી બોટ અને 3 થી 4 પાકિસ્તાની માછીમારોની હિલચાલ નજરે પડી હતી. જેથી બીએસએફ પાર્ટી પગપાળા સ્વેમ્પ અને ગટરને પાર કરીને તરત જ ઘટનાસ્થળે પહોંચી હતી. પાકિસ્તાની માછીમારોએ બીએસએફના પેટ્રોલિંગને તેમની તરફ આવતા જોયા અને દલદલી વિસ્તારનો લાભ લઈને પાકિસ્તાની વિસ્તારમાં ભાગી ગયા હતા.   BSF પેટ્રોલિંગે તેમનો પીછો કર્યો અને બોર્ડર પિલર 1158 પાસે ભારતીય વિસ્તારમાં એન્જિન વિનાની પાકિસ્તાની ફિશિંગ બોટને પકડી લીધી.  જપ્ત કરાયેલી બોટની સઘન તપાસ હાથ ધરવામાં આવી હતી અને બોટમાંથી માછલી, માછીમારીની જાળ અને માછીમારીના સાધનો સિવાય કશું જ શંકાસ્પદ મળ્યું ન હતું.  વિસ્તારમાં સર્ચ શરૂ કરવામાં આવ્યું છે, પણ કંઈપણ શંકાસ્પદ મળ્યું નથી.