ઓનલાઇન શિક્ષણની લાહ્યમાં ઘણી વખત વિદ્યાર્થીઓ ઉંધા રવાડે ચડી જતા હોય છે અને આજના બાળકોને મોબાઇલની તમામ એપ અંગે વધારે પડતું નોલેજ હોય છે જેના કારણે નાની ઉંમરમાં વિદ્યાર્થીઓને મોબાઈલ વાપરવા આપવો પણ ઘણી વખત જોખમી સાબિત થઈ જાય છે પોતાની પૌત્રીને ઓનલાઈન શિક્ષણ માટે મોબાઈલ અપાવો એક પરિવારને ભાડે પડ્યું છે ભરૂચ જિલ્લામાં પોતાના બા અને દાદા સાથે નાનપણથી રહેતી હતી 

યુવતી ભરૂચની એક ખાનગી શાળામાં અભ્યાસ કરતી હતી ૨ વર્ષ પહેલાં ધોરણ ૧૦માં અભ્યાસ કરતી તે વેળા આ વિદ્યાર્થીની ભરૂચ શાલીમાર નજીક ઠાકોર રેસ્ટોરન્ટની ગલી પાસે એક યુવક સાથે વાતચીત કરતા ઝડપાઈ ગઈ હતી અને તે દરમિયાન વિદ્યાર્થીનીને તેની ઉંમર નાની છે તેમ સમજાવી સમજાવટ કરી હતી અને ત્યારબાદ અભ્યાસમાં લાગી ગઈ હતી અત્યારે ધોરણ ૧૨માં અભ્યાસ કરી રહી છે અને તેણીની રેગ્યુલર શાળાએ જતી હતી પરંતુ ગત તારીખ ૩૦/૧/૨૦૨૩ના રોજ તેના બા દાદા મજૂરીએ ગયા હતા તે દરમિયાન તેની બા પરત ૧૧ વાગ્યે ઘરે આવી હતી અને તેમની પૌત્રીના સ્કૂલના બંને જોડી કપડા ઘરમાં હોય અને તેની બા (દાદી)એ તેના દિયરને સ્કૂલે તપાસ અર્થે મોકલતા પૌત્રી સ્કૂલમાં પણ ન હોવાના કારણે શંકાઓ ઉપજી હતી જેના કારણે તપાસ શરૂ કરી હતી અને પાંચ દિવસ સુધી તેની શોધખોળ કરવામાં આવી હતી

બા - દાદા તથા તેના પરિવારજનોએ સગીરાની સતત શોધખોળ કર્યા બાદ તેનો કોઈ હતો લાગ્યો ન હતો અને તપાસ દરમિયાન મોબાઇલ મારફતે દહેજના ભુવા ગામે રહેતા મિતુલ બેચર પટેલ નામના યુવક સાથે સંપર્કમાં હોવાનું વિસ્ફોટ થયો હતો જેના પગલે તેના ઘરે તપાસ કરતા તે પણ ગુમ હોય અને તેનો મોબાઇલ સ્વીચ ઓફ આવતા સગીરાની બા (દાદી)એ ભરૂચ એ ડિવિઝન પોલીસ મથકે આરોપી મિતુલ પટેલ સામે અપહરણ અને પોક્સો એક્ટ હેઠળ ફરિયાદ નોંધાવી છે. 

કોરોના કાળમાં શિક્ષણ ઠપ્પ થઈ ગયું હતું પરંતુ ઘરે રહીને પણ વિદ્યાર્થીઓ શિક્ષણ મેળવે તે માટે ઓનલાઈન શિક્ષણની સુવિધાઓ ઉભી થઈ હતી પરંતુ આ ઓનલાઇન શિક્ષણની સુવિધામાં ઘણા વિદ્યાર્થીઓએ મોબાઈલનો દુરઉપયોગ કર્યો હોવાની ફરિયાદો સામે આવી છે જેમાં એક પરિવારએ પોતાની પૌત્રીને ઓનલાઇન શિક્ષણ માટે મોબાઈલ અપાવ્યો હતો. પરંતુ તેણીએ મોબાઈલનો સદઉપયોગ નહી દુરુપયોગ કર્યો અને ધોરણ ૧૨નું શિક્ષણ પૂરું થાય તે પહેલા જ ગુમ થતા હવે પોતાના બાળકોને મોબાઈલ આપતા ચેતી જજો