હવામાં ઉડતું હેલિકોપ્ટર અચાનક આવી ગયું ઈલેક્ટ્રિક વાયરની ઝપટમાં અને પછી...

સોશિયલ મીડિયામાં તમને રોજ અલગ-અલગ પ્રકારના વિડીયો જોવા મળી જશે. ઘણા જોવા લાયક હોય છો તો ઘણા જોઇને તમારા રૂંવાટા ઉભા થઇ જાય છે. તાજેતરમાં એક વિડીયો સોશિયલ મીડિયામાં ખૂબ જ વાયરલ થઇ રહ્યો છે, જેમા એક ઉડતું હેલિકોપ્ટર દુર્ઘટનાનો શિકાર બની જાય છે. આ વિડીયોને કોઇ શખ્સે દૂરથી પોતાના મોબાઈલમાં ઉતાર્યો હતો. 

સોશિયલ મીડિયા પર એક ચોંકાવનારી ક્લિપ વાયરલ થઈ રહી છે, જેમાં જોઈ શકાય છે કે કેવી રીતે હવામાં ઉડતું હેલિકોપ્ટર અચાનક જમીન પર પડી જાય છે. એવું કહેવામાં આવ્યું હતું કે, આ ઘટના બ્રાઝિલની છે, જ્યાં ફૂટબોલ ગ્રાઉન્ડ પર ઉતરતા પહેલા એક હેલિકોપ્ટર અકસ્માતે ઇલેક્ટ્રિક વાયર સાથે અથડાઈને ક્રેશ થયું હતું. અકસ્માત સમયે રાજનેતાઓ સહિત 6 લોકો હેલિકોપ્ટરમાં સવાર હતા. જોકે, આ અકસ્માતમાં કોઈને ગંભીર ઈજા થઈ ન હોતી તે એક ચમત્કાર હતો. હવે આ અકસ્માત બાદનો વિડીયો સોશિયલ મીડિયા પર વાયરલ થઇ રહ્યો છે. મળી રહેલી માહિતી અનુસાર, પાયલોટ સિવાય બ્રાઝિલના 59 વર્ષીય સંસદસભ્ય, ડેપ્યુટી મેયર અને બે કર્મચારીઓ હેલિકોપ્ટરમાં હાજર હતા. આ દુર્ઘટના પહેલા ચમત્કારિક રીતે તમામ લોકો હેલિકોપ્ટરમાંથી બહાર નીકળી ગયા હતા, જેથી તેમને કોઇ ગંભીર ઈજા થઇ નથી. આ દુર્ઘટના બુધવારે બ્રાઝિલના મિના ગેરિયાસ રાજ્યના એન્જેનહેરો કાલ્ડાસ વિસ્તારમાં બની હતી. 

આ પણ વાંચો - આ તે કેવો ચમત્કાર! શું તમે જોઇ છે બે મોઢા અને ચાર આંખો વાળી માછલી? Video