ભારત સામેની ટેસ્ટ પહેલા ઈંગ્લેન્ડને મોટો ફટકો, કેપ્ટન બેન સ્ટોક્સ ટીમથી બહાર થઈ શકે

ઈંગ્લેન્ડની ક્રિકેટ ટીમ ટીમ ઈન્ડિયા સામે 1 જુલાઈથી તેમના જ ઘર આંગણે એટલે કે ઇંગ્લેન્ડમાં જ ટેસ્ટ મેચ રમવા જઇ રહી છે પરંતુ  આ પહેલા ઇંગ્લેન્ડ ટીમ માટે એક ખરાબ સમાચાર સામે આવી રહ્યા છેઈંગ્લેન્ડની ક્રિકેટ ટીમ ટીમ ઈન્ડિયા સામે 1 જુલાઈથી તેમના જ ઘર આંગણે એટલે કે ઇંગ્લેન્ડમાં જ ટેસ્ટ મેચ રમવા જઇ રહી છે. પરંતુ  આ પહેલા ઇંગ્લેન્ડ ટીમ માટે એક ખરાબ સમાચાર સામે આવી રહ્યા છે. હકીકતમાં  ટીમના કેપ્ટન બેન સ્ટોક્સ આ ટેસ્ટ મેચમાંથી બહાર થઈ શકે છે.ઇંગ્લેન્ડની ટીમે 23 જુલાઇથી લીડ્ઝમાં ન્યુઝીલેન્ડ સામે સીરીઝની છેલ્લી એટલે કે ત્રીજી ટેસ્ટ મેચ રમવાની છે. આ માટે ટીમ જોરદાર પ્રેક્ટિસ કરી રહી છે. પરંતુ મંગળવારે બેન સ્ટોક્સ ટીમ સાથે પ્રેક્ટિસ કરતા નજરે પડ્યા નથી.

સુત્રોના જણાવ્યા અનુસાર બેન સ્ટોક્સની તબિયત ખરાબ છે. આવી સ્થિતિમાં એવું માનવામાં આવે છે કે ઇંગ્લેન્ડની ટીમે ન્યૂઝીલેન્ડ સામે શ્રેણીની છેલ્લી ટેસ્ટ મેચ કેપ્ટન વિના રમવી પડશે. આ ઉપરાંત બેન સ્ટોક્સ ટીમ ઈન્ડિયા સામે ટેસ્ટ મેચ રમી શકશે કે નહીં તે પણ હજુ નક્કી નથી.જો કે ટીમ ઈન્ડિયા અને ઈંગ્લેન્ડ વચ્ચે શ્રેણીની છેલ્લી એટલે કે પાંચમી ટેસ્ટ 1 જુલાઈથી બર્મિંગહામમાં રમાશે. આવી સ્થિતિમાં સ્ટોક્સ પાસે હવે લગભગ 9 દિવસનો સમય છે. બેન સ્ટોક્સને કોરોના થયો છે કે નહીં તેની પુષ્ટિ થઈ નથી. તેમનો અગાઉનો કોવિડ રિપોર્ટ નેગેટિવ આવ્યો હતો.ઉલ્લેખનીય છે કે ઈંગ્લેન્ડે ન્યૂઝીલેન્ડ સામેની પ્રથમ બે ટેસ્ટ જીતીને ત્રણ મેચની ટેસ્ટ શ્રેણીમાં 2-0ની અજેય સરસાઈ મેળવી લીધી છે. આવી સ્થિતિમાં જો બેન સ્ટોક્સ ત્રીજી ટેસ્ટ પણ નહીં રમે તો ટીમ પર તેની કોઈ અસર નહીં થાય.

ટીમ ઈન્ડિયા અને ઈંગ્લેન્ડ વચ્ચે પાંચ ટેસ્ટ મેચોની સીરીઝ રમાઈ રહી છે. તેની છેલ્લી મેચ 1 જુલાઈથી બર્મિંગહામમાં રમાશે. નોંધનીય છે કે આ સિરીઝ ગયા વર્ષે રમાઈ હતી.ટીમ ઈન્ડિયાએ ગત વર્ષે ઈંગ્લેન્ડ પ્રવાસ પર 4 ટેસ્ટ મેચમાં 2-1થી લીડ મેળવી હતી. કોરોના કેસના કારણે છેલ્લી ટેસ્ટ મેચ થઈ શકી ન હતી. આ મેચ સ્થગિત કરવામાં આવી હતી, જે આ વખતે રમાશે.આ શ્રેણીની  નિર્ણાયક કસોટી છે. જો ભારતીય ટીમ જીતશે તો શ્રેણી 3-1થી જીતી જશે, પરંતુ જો ઈંગ્લેન્ડ જીતશે તો શ્રેણી 2-2થી ડ્રો થઈ જશે.