પાંડેસરા વિસ્તારની ઘટના, 5 વર્ષની બાળકી ત્રીજા માળની બાલ્કની માંથી નીચે પટકાતા મોત

સુરત (Surat)શહેરના પાંડેસરા (Pandesara) વિસ્તારમાં આવેલ ભગવતી નગરમાં 5 વર્ષની બાળકી(Girls)રમતા રમતા ત્રીજા માળની(Third floor) બાલ્કનીમાંથી નીચે પટકાતા ગંભીર રીતે ઇજાગ્રસ્ત થઈ હતી. બાળકીને ઇજાગ્રસ્ત હાલતમાં તાત્કાલિક 108 એમ્બ્યુલન્સ મારફતે નવી સિવિલ હોસ્પિટલ (Civil Hospital)લઈ જવામાં આવી હતી. નવી સિવિલ હોસ્પિટલમાં ટૂંકી સારવાર બાદ બાળકીનું મોત થયુ છે. 

આ વાતની જાણ થતા જ પરિવાર શોકમાં ગરકાવ થઇ ગયો હતો. હોસ્પિટલ દ્વારા પોલીસને જાણ કરતા પાંડેસરા પોલીસે આ મામલે હાલ અકસ્માતનો ગુનો નોંધી આગળની તપાસ હાથ ધરી છે. પોલીસ પાસેથી પ્રાપ્ત માહિતી અનુસાર પાંડેસરા વિસ્તારની ભગવતી નગર ખાતે રહેતા ઉદયરામ ચંદ્રવંશી જે મજૂરી કામ કરી પોતાનું ગુજરાત ચલાવે છે. ગતરોજ તેમની 5 વર્ષીય પુત્રી આકૃતિ ચંદ્રવંશી જે પોતાના ઘરમાં રમી રહી હતી, ત્યારે રમતા રમતા બાલ્કનીમાં આવતા કોઈક રીતે તે ત્રીજા માળેથી નીચે પટકાઇ હતી. જે પછી આસપાસના લોકો મોટેમોટેથી બૂમો પડવા લાગ્યા હતા.

આપણ  વાંચો -ઘરે ટ્યુશનમાં આવતી વિદ્યાર્થિનીઓ સાથે અડપલાં કરતા શિક્ષકની ધરપકડ