જૂનાગઢમાં ટોરેન્ટ ગેસની પાઇપલાઇનના કામ માટે નદીના પાણીનો ઉપયોગ, કિસાન કોંગ્રેસે વ્યક્ત કર્યો વિરોધ

જૂનાગઢમાં ટોરેન્ટ ગેસની પાઈપલાઈનનું કામ ચાલી રહ્યું છે, જૂનાગઢ બાયપાસ રોડ પર સરગવાડા ગામ નજીક સાઈટ પર તેની કામગીરી ચાલી રહી છે, આ કામગીરી દરમિયાન કોન્ટ્રાક્ટર દ્વારા લોલ નદીમાંથી પાણી લેવાતું હોવાથી કિશાન કોંગ્રેસના મનીષ નંદાણીયાએ વિરોધ વ્યક્ત કર્યો છે અને તંત્રને યોગ્ય કાર્યવાહી કરવા અપીલ કરી છે.

કિશાન કોંગ્રેસના મનીષ નંદાણીયાના જણાવ્યા અનુસાર ટોરેન્ટ ગેસની પાઈપલાઈન માટેની કામગીરી કરનાર કોન્ટ્રાક્ટર દ્વારા લોલ નદીમાંથી દરરોજ સો થી દોઢસો ટેન્કર પાણીના લેવાય છે, જ્યારે લોલ નદીનું પાણી ખેડૂતો તેમજ આસપાસના રહેવાસીઓના પાણીના બોર કુવાઓ રીચાર્જ કરવા તથા સિંચાઈના હેતુ માટે ઉપયોગમાં લેવાય છે, એટલું જ નહીં પણ કોન્ટ્રાક્ટર પાણીનો ઉપયોગ કર્યા બાદ દૂષિત પાણી ફરી નદીમાં જ ઠાલતાં હોવાનો મનીષ નંદાણીયાએ આક્ષેપ કર્યો છે, કંપની પાસે નદીમાંથી પાણી લેવાની કોઈ મંજૂરી નથી, તેમણે પોતાના કામ માટે જોઈતા પાણીની વ્યવસ્થા અલગથી કરવાની હોવા છતાં નદીમાંથી પાણી લેતાં હતા વળી ડ્રીલીંગમાં વપરાયેલા પાણીનો નિકાલ પણ ફરી નદીમાં થાય છે. જે બાબતે કિસાન કોંગ્રેસે વિરોધ વ્યક્ત કર્યો છે અને આ ઘટનાને ગંભીર ગણીને તેના પર યોગ્ય કાર્યવાહી કરવામાં આવે તેવી  માંગ કરી છે.

આ પણ વાંચોઃ  વંથલીના બંધડા ગામે મંદિરમાં ત્રાટકયા તરસ્કરો, 3 લાખની કિંમતના નાગદેવતાના ચાંદીનાં થાલાની ચોરી